KRY LANDBOUDIPLOMA EERSDAAGS AANLYN
Gebreke in die onderrig by plaaslike landboukolleges en krisistye vir Suid-Afrikaanse universiteite, asook ontwikkeling in die veld van aanlynopleiding, het ’n gaping geskep vir die stigting van Agricolleges International, ’n rekenaar wolk gebaseerde instelling wat aanlynopleiding in die landbou wil verskaf.
Die maatskappy se planne is op Donderdag 11 Mei amptelik in Kaapstad bekend gestel.
Volgens mnr. Howard Blight, voorsitter en stigter van Agricolleges International, word ’nee n jaar landbou diploma beoog sodra die nodige akkreditasie van die staat verkry is. Die maatskappy is reeds besig met die proses.
“Ons wil hoop gee aan duisende studente wat andersins nie tersiêre onderrig sou kon bekom nie, deels weens die probleme by ons landboukolleges, maar ook as gevolg van ’n gebrek aan bekostigbaarheid.” Volgens Howard sal die koste van Agricolleges se diploma vanaf R29 000 per jaar beloop.
“Daar is ’n groot behoefte aan landbouo pleiding van ’n goeie gehalte op tersiêre vlak in Suid-Afrika, Afrika en in die res van die ontwikkelende wêreld.” Kursusse sal aanvanklik in Suid-Afrika aangebied word, met Zambië, Kenia, Tanzanië en Namibië ook in Agricolleges se visier.
“Terwyl party universiteite duisende voornemende studente weens die gebrek aan geriewe moet wegwys, is dit ook waar dat universiteite studente met minder hulpbronne moet bedien te midde van stygende koste.
“Diplomavla kkursusse deur Agricolleges sal voorsien in die bedryf se behoefte aan jong, goed opgeleide personeel, teen ’n prys wat vir die student bekostigbaar is,” sê Blight.
Studente sal kursusinhoud deur middel van ’n e-leerplatform ontvang. ’n Ooreenkoms is met die Universiteit Stellenbosch (US) aangegaan om ’n e-leerkurrikulum te ontwerp. Alle kursusmateriaal sal deur die US se fakulteit landbouwe tenskappe goedgekeur word, onder die wakende oog van prof. Danie Brink, waarnemende dekaan van die fakulteit. Ander universiteite se landbouf akulteite sal ook geraadpleeg word.
“Kolleges, universiteite en die landboubedryf moet saamwerk om die tekort aan vaardighede in die sektor aan te pak. Ons lewer ontoereikend opgeleide, onervare kandidate vir landbouverwante poste.
“Die gebrek aan opleiding vir ongeskoolde en halfgeskoolde werkers verhinder dat die sektor van die grond af opgebou word. Agricolleges vul dus ’n sleutelgaping in landbou-opleiding.”
Studente sal opleiding ontvang deur ’n proses waar hulle nie net met kursusmateriaal te leer nie, maar ook by mekaar.
Praktiese aspekte sal in sentrums van uitnemendheid aandag kry. Dié sentrums sal onder meer by bestaande landbouskole en -kolleges gevestig word, terwyl praktiese ondervinding ook met die samewerking van megaboere en by geriewe van onder meer besproeiingsm aatskappy, chemiese maatskappye en pakhuise opgedoen sal word. Die maatskappy het reeds die steun van suksesvolle belanghebbendes in die landboubedryf, soos mnr. Philé van Zyl, direkteur van ZZ2, gekry.
“Die dae dat ’n student gaan boer sodra hy die skool verlaat, is lank reeds verby – die bedryf het heeltemal verander en daarmee saam die manier hoe opleiding verskaf word. Dié model van e-opleiding beteken dit is toeganklik en kan internasionaal uitgebrei word,” sê Philé. – CORLI VAN DER MERWE