SKANDEER GROND BLITSVINNIG
’n Skandeerder waarmee ’n boer op die land ’n grondtoets kan doen en binne minute die uitslag kry, is pas op die GFIA-skou vir vernuwende produkte in die landbou in Utrecht, Nederland, bekend gestel.
Die Nederlandse onderneming Dutch Sprouts se handgedraagde grondska ndeerder, SoilCares, is met sensors toegerus wat spektrom eterdata en ’n spektrale beeld uit ’n grondmonster lewer.
Die spektra op die beeld stel die skandeerder in staat om gedetailleerde inligting oor die stand van die belangrikste voedingstowwe, organiese komponente, tekstuur en pH in die grond te “sien”. Dít word met bestaande grondtoet suitslae op ’n internasionale databasis gekalibreer. Só word die grondstatus binne minute bepaal, en kry die boer ’n verslag op sy slimfoon. Daarmee saam verskaf SoilCares ook ’n stel aanbevelings.
Dutch Sprouts werk saam met Talend, ’n groot-data-integrasi emaatskappy, om met ’n mengsel van harde- en sagteware grondmonsters van oor die hele wêreld te versamel en te ontleed.
Elke monster se uitslag word saam met bestaande grondmonster-ontledings op die groeiende databasis gehou. Met elke monster se ontleding word die daaropvolgende uitslae al hoe akkurater. Die skandeerder kan veral nuttig wees vir die miljoene boere oor die hele wêreld wat nie die tyd of geld het om grondontledings deur die tradisionele laboratoriums te laat doen nie, sê die maatskappy.
Dutch Sprouts se volgende plan is om boere met dieselfde skandeerder, maar ander algoritmes, in staat te stel om die voedingvlakke in veevoer te toets. – MARLEEN SMITH Gaan lees meer op soilcares.com