GOEIE PRYSE STEUN ONDERNEMING

Die wêreldmark is betreklik optimisties oor wol as kledingstof en die omgewingsvriendelik e eienskappe van dié vesel teenoor mededingende kleding vesel wen veld.

Dit was die gewaarwording van mnr. Isak Staats, hoof van wol en bokhaar by BKB, op sy besoek aan die afgelope kongres van die Internasionale Wol tekstiel organisasie (IWTO) in Brittanje.

“Dit is ‘n produk met goeie ‘groen’ eienskappe en baie van die bespreking het oor die bemarking daarvan gegaan,” sê hy.

“BKB beleef tot dusver ‘n goeie jaar met die huidige gunstige wolpryse wat die onderneming ondersteun,” sê Staats.

Van die besprekingspunte het oor die navorsing van wol gehandel asook wol se gebruik as mediese behandeling van veltoestande.

Volgens Staats geniet die SuidAfrikaanse skeersel goeie navraag oor die land se liggingvoordeel ten opsigte van Europa, asook die plaaslike produsente se goeie hantering s praktyke van hul kuddes.

Nog ‘n gewaarwording is die feit dat die vraag na sterker wol (van dikker as 22 mikron) wêreldwyd traag verloop, deels weens die modesiklus van wolverbruik in kledingstukke wat oor tydperke van vier jaar verloop.

“Die gemiddelde veseldikte van die SuidAfrikaanse skeersel is 19,6 mikron, wat SuidAfrikaanse wol as die voorste verskaffer van kleedwol ter wêreld laat uitstaan,” sê hy.