WAT VOLGENDE?
Vir die Esterhuizens se skaapvleis om as organies gesertifiseer te word, moes Boer and Butcher én die abattoir op VictoriaWes, waar die skape geslag word, ook sertifisering kry.
Dit is nou gereed, en mnr. Willie en me. Sonja Esterhuizen hoop ander boere in hul omgewing sal ook die opsie van organiese boerdery en die benutting van hierdie geriewe begin oorweeg. Hulle hoop Britstown sal dalk eendag as Suid-Afrika se “hoofstad” van organiese skaapboerdery beskou word.
Die stelsel wat hulle in gedagte het, is die groep sertifisering vir’ n paar boerderye
(group growers certification), wat behels dat ’n groep boere met dieselfde sertifisering onder een handelsmerk bemark. Dieselfde gesertifiseerde abattoir en netwerk van slaghuise word gebruik.
Die Boer and Butcher ontwikkel ook deesdae resepte met net organiese bestanddele. Dit bevat hul vleis, soos organiese wors en burgers. Dit word deur die slaghuis verwerk, verpak en bemark nadat Ecocert die resepte goedgekeur en gesertifiseer het.
Die Esterhuizens ondersoek ook die moontlikheid om organiese wol en lanolien te lewer. Lanolien-olie word in skoonheidsen babaprodukte gebruik.
Wat organiese wol betref, sê Willie daar is nog nie ’n plaaslike mark daarvoor nie. Dit is duur en verg baie water om te was en te verwerk.
Daar is wel byvoorbeeld in Australië ’n gevestigde mark vir organiese wol, sê Sonja.
Om daarheen uit te voer, al is dit ongewaste wol, sal hulle egter medeboere se hulp nodig hê om genoeg vir ’n uitvoerbesending te kan lewer.
Poeier van indringer-prosopisbome word
deesdae in allerlei gesondheid s produk teen gebak gebruik.
Dit klink dalk na ’n groot en veraf toekomsdroom, sê Sonja. As hulle egter in die armoede geteisterde Britstown’ n aanleg kan oprig wat die poeier kan omskep in voedselprodukte, soos klaargemaakte, glutenvrye deegmengsels met min koolhidrate en suikervrye sjokolade, sal dit ’n eerste prys wees.
Sonja verduidelik dat mesquite-meel baie soet is. Dit is dus nie nodig om suiker by te voeg as jy daarmee bak nie.
Britstown is een van die dorpe met die hoogste werkloosheid s koers eind i eland, sê sy.
Met só ’n aanleg sal hulle veral werk wil skep vir die vroue wat aan die hoof van 52% van die dorp se huishoudings staan.
Boonop kan só ’n projek help om prosopisboom-indringing, ’n algemene probleem, in die bek te ruk.