HET JY GEHOOR?
‘Jy kan tog nie iets reguleer waarvan jy niks weet nie.’
MNR. ACHMAT SEDICK, direkteur van die Moslemregsraad se Halaal-trust, oor die Regering se planne om spesiale produksiemetodes, soos organiese en veldvleis, te reguleer. Bl. 20
‘Ons het probeer kyk wat van die geld geword het, en dit is skrikwekkend.’
MNR. OMRI VAN ZYL, uitvoerende direkteur van Agri SA, oor die resultate van ’n oudit oor staatshulp vir droogtegeteisterde boere. Bl. 14
‘ ’n Kombinasie van dwang en vrywillige benadering blyk die doeltreffendste oplossing te bied om verandering teweeg te bring.’
DR. DAVID SPEKSNIJDER, verbonde aan die Universiteit van Utrecht in Nederland se departement aansteeklike siektes en immunologie (fakulteit diergeneeskunde). Bl. 15
‘Die renosters sal vir hulself moet begin sorg.’
MNR. BARRY YORK, renosterboer, oor die nodigheid dat inkomste uit renosterhoringverkope, pleks van die verkoop van ander skaars wild, moet begin betaal vir sekerheid van renosters in private besit. Bl. 22
‘Ons paar miljoen ton is niks as plaaslike pryse laag genoeg daal nie.’
MNR. BRINK VAN WYK, handelaar by BVG, oor vooruitsigte om Suid-Afrika se verwagte mieliesurplus van 4 miljoen ton van die hand te sit. Bl. 17