Dié week in die landbou
KLAGTE OOR DROOGTEHULP
’n Interne ondersoek deur die Vrystaatse departement van landbou het geen bedrog en korrupsie met die verskaffing van droogtehulp aan die lig gebring nie. Die ondersoek het gevolg ná klagtes van mnr. Roy Jankielsohn, DA-lid van die provinsiale raad, by die Openbare Beskermer (OB) oor beweringe van boere wat noodvoer ontvang het sonder dat hulle enige vee gehad het. Hulle het dan die voer by boere in nood probeer ruil vir vee. Die departement kon nie bepaal waar die voer vandaan gekom het nie. ’n Verteenwoordiger van die OB se kan-
LANDBOU GROEI STERK
Was dit nie vir die landbou nie, sou die beleërde Suid-Afrikaanse ekonomie in ’n veel hagliker toestand gewees het, sê die bedryfsorganisasie Agri SA. Dít is in reaksie op die aankondiging dat die nasionale ekonomie in ’n tegniese resessie verval het.
Statistieke SA het bekend gemaak dat Suid-Afrika se bruto binnelandse produk (BBP) in die eerste kwartaal van vanjaar met 0,7% ingekrimp het, en in die voorafgaande kwartaal met 0,3%. Daarteenoor het die landbousektor die afgelope jaar met 22% gegroei. Agri SA hoop hierdie statistieke laat die Regering besef landbou-ontwikkeling en grondtitelaktes vir nuwelingboere behoort ’n nasionale voorrangsaak te wees. — Agri SA
MIELIES UIT HOOPSTAD
’n Groep mielieboere uit Hoopstad onder leiding van mnr. Janes Barnard samel met die hulp van NWK mielies in om aan boere in Namakwaland en Boesmanland te skenk waar dit steeds baie droog is. Janes sê hulle het al 700 ton mielies en R800 000 aan kontant en vervoerskenkings ontvang. Boere kan deur die NWK-silo’s mielies skenk. NWK dra ook R50 000 by vir vervoer.
Mnr. Heinrich Krüger, voorsitter van NWK, sê voerskenkings wat boere in Noordwes verlede jaar tydens een van die ergste droogtes ooit ontvang het, is nog vars in almal se geheue.
“Hierdie is nou ’n geleentheid om ander medeboere in nood by te staan. Navrae kan by enige van NWK se silobestuurders gerig word.” — NWK
SEWE PLAASAANVALLE
regte-organisasie AfriForum het opnuut ’n beroep op die premier, mnr. Supra Mahumapelo, gedoen om in te gryp, soos wat hy vroeër by Coligny gedoen het. Mnr. Ernst Roets, uitvoerende hoof van AfriForum, sê Mahumapelo se stilswye oor hierdie kwessie kan maklik die indruk wek dat hy hom nie aan plaasaanvalle steur nie.
Die voorvalle sluit in aanrandings by Leeudoringstad en Wolmaransstad, plaasaanvalle by Ottosdal, en by Basfontein en Koperfontein naby Derby, ’n verkragting op ’n plaas by Sannieshof en ’n moord en poging tot moord by Sannieshof. — AfriForum
BIELIE VAN ’N PRYS
’n Bonsmarabul van mnr. Nick Sernick is teen ’n allemintige R340 000 op die 39ste produksieveiling van Sernick Bonsmara’s, Edenville, verkoop. Bulle het gemiddeld R93 000 stuk behaal teenoor die vorige jaar se R68 000. Die duurste vroulike dier is teen R26 500 verkoop. Sowat 150 kopers van die OosKaap, KwaZulu-Natal, Mpumalanga en Namibië het die jaarlikse veiling bygewoon. Sernick Bonsmara het die veiling aangebied en mnr. Johan van der Nest was die afslaer.