LIMOUSINBUL BEKROON
Me. Angie Malherbe, eienaar van die stoetery Stoke Limousin naby MidIllovo in KwaZulu-Natal, glimlag breed nadat sy die gesogte Goue Beker op die Royal-skou in Pietermaritzburg ontvang het. “Dit was nie ’n maklike sewe jaar tot hier nie, maar van die staanspoor af, toe ek met die stoetery begin het, was die Limousin-telersgenootskap en die ander telers ongelooflik behulpsaam en ondersteunend,” het Angie by die deftige GoueBeker-dinee gesê. “Ek is so trots op my dogter — sy het in ’n manswêreld almal in die stof laat byt! Chicks rule,” het haar pa, mnr. Lindlay Gowling, met trane van blydskap gejuig.