VOËLGRIEP IN ZIMBABWE
DIE hoogs aansteeklike H5N8voëlgriep het op ’n kommersiële pluimveeplaas in die Zimbabwiese provinsie OosMashonaland uitgebreek. SuidAfrika het ’n verbod op die invoer van enige hoender, lewend of dood, sowel as eiers, geplaas.
Meer as 8 000 kuikens het reeds gevrek en 140 000 hoenders moes van kant gemaak word, aldus die Daily News. Die besmette plaas het sowat 2 miljoen braaikuikens en lêhenne.
Dr. Unesu UshewokunzeObatolu, hoofdirekteur by Zimbabwe se veeartsenydiens, sê daar is agt afsonderlik bestuurde aanlegte wat almal minstens ’n kilometer van mekaar is.
Sy sê toetse by Onderstepoort op 29 Mei en 1 Junie het die siekte bevestig.
Me. Makenosi Maroo, woordvoerder van die Departement van Landbou, Bosbou en Visserye, sê SuidAfrika het alle handel in pluimvee met Zimbabwe gestaak. Sy het aan Netwerk24 gesê inspeksiedienste is op ’n gereedheidsgrondslag geplaas en hoenders, eiers en ander pluimveeprodukte word by grensposte afgeneem.
Die direktoraat dieregesondheid, saam met die SuidAfrikaanse Pluimveevereniging (Sapa), is besig om plaaslike hoenderboere van die bedreiging bewus te maak. Volgens mnr. Kevin Lovell, uitvoerende hoof van Sapa, is dit die eerste keer in die geskiedenis dat dié gevaarlike voëlgriep in een van SuidAfrika se buurlande uitbreek.
Die siekte het in Maart in Uganda voorgekom en toe is die vrees uitgespreek dat dit na ander lande in SuiderAfrika kan versprei. Die H5N8virus word deur migrerende wildeeende aan pluimvee oorgedra.
Botswana het ook ’n verbod op die invoer van pluimveeprodukte uit Zimbabwe ingestel.