Dr. Hinner Köster
is ’n dierevoedingkundige, sedert 2008 ereprofessor aan die Kansas State Universiteit in Amerika en uitvoerende hoof van Kaonne Investments, waarin hy aandele hou saam met onder meer sy broer, Heiko, en vyf kollegas in die dierevoedingswêreld. Kaonne Investments bestaan uit vyf maatskappye wat almal onafhanklik werk in die dierevoedingswaardeketting. Barnlab is hul veevoervervaardigingsmaatskappy. Verder verskaf hy as konsultant oor die hele Afrika raad oor herkouervoeding. Hy het ook langer as 18 jaar in die direksie van die Suid-Afrikaanse Veevoervervaardigersvereniging gedien, onder meer as voorsitter.