Moderne landbouvakke verbreed beroepskeuses
Dink jy of jou kinders daaraan om verder te studeer? Klop dan aan by die Universiteit van die Vrystaat vir ’n wye keuse van landbougerigte studierigtings in graad- en diplomakursusse.
Die Universiteit van die Vrystaat (UV) streef daarna om die toonaangewende universiteit vir die landbou in Suid-Afrika en Afrika te wees, sê dr. Antonie Geyer, direkteur van landbou-ontwikkeling aan die UV.
Landbouweekblad het op die Nampo-Oesdag met Geyer by die Kovsie-stalletjie in die Nampo-saal gesels.
“Akademiese uitnemendheid en voortreflike navorsing is ononderhandelbaar.
“Om daadwerklik ’n verskil in landelike gemeenskappe te maak en doeltreffende, praktiese landbou-opleiding van studente te verseker, is samewerking met die landbou kommoditeit s organisasie sen die landbou besighede nodig.
“Samewerking met die georganiseerde landbou is natuurlik ook van deurslaggewende belang,” sê hy.
OORBRUGGING
Die UV bied landbou-opleiding oor ’n baie breë spektrum aan. Vir leerders wat aanvanklik nie aan die akademiese vereistes vir hoofstroom opleiding aan die universiteit voldoen nie, is daar twee oorbruggingskursus se. Dit bestaan uit’ n universiteitvoorbereidings program, asook ’n verlengde program.
Ná die suksesvolle voltooiing van die oorbruggingskursus se kan dié leerders toelating verkry.
B.AGRIC. (BESTUUR)
Die graad B.Agric. (Bestuur) is ’n drie jaar graadkursus wat hoofsaaklik op bestuur toegespits is. Ses verskillende bestuursrigtings word aangebied: Die reproduksie bestuur; Wildlewebestuur; Gewas produksie bestuur; Besproeiing s bestuur; Gemengde boerderybestuur; en Landboubestuur.
B.AGRIC. (LANDBOU-EKONOMIE)
Die graad B.Agric. (Landbou-ekonomie) is ook’ n drie jaar kwalifikasie. Di tis’ n handel s georiënteerde graad met landbou-ekonomie en -bestuur as die kern van die kursus.
B.SC. (LANDBOU-EKONOMIE)
Hierdie B.Sc.-graad kan binne drie jaar verwerf word sonder chemie en fisika in die eerste jaar. Wiskunde en statistiek is wel belangrike vakke. Die kern van hierdie kwalifikasie is landbou-ekonomie en statistiek.
B.SC.AGRIC.
Die graad B.Sc.Agric. is ’n vierjaarkwalifikasie waarvan die honneursgraad ingesluit is in die totale tydperk van vier jaar. B.Sc.Agric. het tradisioneel chemie, fisika en wiskunde in die eerste jaar van die kursus. Daar is ses hoofrigtings: Weerkunde, met ses verskillende kombinasies; Agronomie, met agt verskillende kombinasies; Grondkunde, met ses verskillende kombinasies; Vee-, wild- en weidingskunde, met vier verskillende kombinasies; Voedselwetenskap, met twee verskillende kombinasies; en Planteteelt en plantpatologie, met vier verskillende kombinasies.
NAGRAADSE STUDIES
Daar is ook genoeg kans vir nagraadse studies en diplomakursusse by Kovsies. Hier is ’n opsomming daarvan: Honneurs: Die honneursgrade word heeltyds vir ’n minimum tydperk van een jaar aangebied. Dit is slegs van toepassing op die graad B.Sc.Agric. waar die honneursgraad in die vierde jaar van die kursus aangebied word. Die UV se sentrum vir volhoubare landbou bied ’n gevorderde diplomakursus oor 18 maande in volhoubare landbou en landelike ontwikkeling aan. Twee nagraadse kwalifikasies, naamlik ’n jaar lange nagraadse diploma en ’n jaarlange meesters kwalifikasie in volhoubare landbou word met aanvang van 2018 aangebied. Albei jaarkursusse sluit die kernfokusareas van die bestuur van natuurlike hulpbronne, landbou-ekonomie, diereproduksie en landbouvoorligting in .’ n Doktorsgraad in volhoubare landbou word ook aangebied. Die sentrum vir omge-
wingsbestuur bied vanaf Januarie volgende jaar ’n nuwe nagraadse diploma in geïntegreerde waterhulpbron bestuur( een jaar) aan. Die sentrum bied ook sedert 1994’ n meesters graadkursus in omgewings bestuur aan. Aansoeke vir albei hierdie programme vir die akademiese jaar 2018 sluit op 30 September 2017. Gaan na die sentrum vir omgewingsbestuur se webwerf by
www.ufs.ac.za/cem vir nog inligting oor die programme en aansoekprosedure. DIMTEC, oftewel die Disaster Management Training and Education Centre for Africa, bied ’n nagraadse diploma in rampbestuur, meestersgraad in rampbestuur, en Ph.D. in rampbestuur.
TROTSE GESKIEDENIS
Die UV kan met trots terugkyk op ’n roemryke verlede van landbou-opleiding.
Bogenoemde inligting is ’n duidelike bewys van goed gestruktureerde kursusse met voldoende kombinasies om vir elke voornemende landboustudent ’n tuiste te bied.
Die sentrale ligging van die UV bied ’n mededingende voordeel teenoor alle ander universiteite in Suid-Afrika wat landbou-opleiding aanbied.
“Die UV betree nou ’n opwindende nuwe fase van landbou-opleiding met talle nuwe ontwikkelings wat ter tafel gelê word tot voordeel van die student en landbou in Suid-Afrika,” sê Geyer.