Nuwe e-landboukollege op die horison
’n Nuwe aan lyn-opleiding s platform kan binnekort help om’ n nuwe geslag landbouers in Afrika op te lei. Dié virtuele kollege geniet die ondersteuning van talle boere en landbou-organisasies.
Daar is ’n ernstige tekort aan goed opgeleide personeel wat die landbou- en landbouverwante bedrywe betree, waaronder plaasbestuurder s, afdelingsbestuurders en verkoop s personeel.
Die tekort aan behoorlik opgeleide personeel in die landbousektor hou ’n groot risiko vir voedselsekerheid in Afrika in, sê mnr. Howard Blight, ’n boer en entrepreneur van die Tzaneenomgewing in Limpopo. Howard is ook die voorsitter en stigter van Agricolleges International, wat onlangs in Johannesburg bekend gestel is.
“Afrika se onderwyssektor misluk daarin om die volgende geslag landbouers en landboukundiges in voldoende getalle op te lei. Al hoe minder jong mense stel in die landbou as loopbaan belang,” sê Howard.
Agricolleges International is ’n moderne, wolkgebaseerde e-leerinstelling. Dit gebruik Desire2Learn (D2L) s eB rig h t spa c e-leer bestuur s program om studente van bekostigbare, toeganklike en bedryfsverwante kursusmateriaal te voorsien.
Hierdie nuwe poging om landbou-opleiding en -onderrig aan meer mense beskikbaar te stel, word deur kundige sakelui en boere ondersteun. Aan die hoof staan Howard as voorsitter. Hy was onder meer die eerste voorsitter van die onafhanklike spogkosskool Stanford Lake College naby Haenertsburg in Limpopo. Hy het 45 jaar lank in die Tzaneen-omgewing geboer en bedryf nou sy eie kweekhuis waar hy subtropiese gewasse kweek.
As ’n landboukundige konsultant, skrywer en sakeman is hy oortuig van die noodsaaklikheid van ’n leerinstelling, soos Agricolleges International. Hy meen die talle landbouverwante loopbaanopsies en nuwe tegnologie behoort ’n trekpleister te wees.
“Dit is ’n tegnologies gevorderde bedryf. Deur Agricolleges International se kursusse wil ons talentvolle jong mense lok om ’n volhoubare toekoms vir ons almal te verseker.”
Van die ander lede wat in die raad van Agricolleges International dien, is mnr. Wynand Espach, ondervoorsitter, wat ’n ervare sakeman en boer is. Hy is ’n voormalige voorsitter van die Politsivallei-boerevereniging. Wynand is die bestuurder van die Amorentia-landgoed en werk as tuinboukundige konsultant.
Twee nie-uitvoerende raadslede is mnre. Milaan Thalwitzer, voorsitter van Bosveld Sitrus, en Philé van Zyl, ’n direkteur van die Z Z 2- boerdery onderneming.
ENIGE PLEK IN AFRIKA
“Ons sal studente uit alle vlakke van die samelewing die geleentheid bied tot toegang of voortsetting van hul opleiding in die landbou wetenskappe. Dit begin in Suid-Afrika, maar van volgende jaar sal ons dieselfde programme in ander Afrika-lande bekend stel,” sê Howard.
“Daar is ’n groot behoefte aan bekostigbare, tersiêre landbou-onderrig van topgehalte in Suid-Afrika, Afrika en die res van die ontwikkelende wêreld. Sommige universiteite in Suid-Afrika moet jaarliks duisende studente wegwys weens ’n gebrek aan geriewe. Dit is ook waar dat van universiteite verwag word om meer swak voorbereide studente met swak hulpbronne te huisves, met al hoe minder hulpmiddels om dit te doen.
“Diploma vlak kursusse sal in die behoefte van die bedryf voorsien om jong, kundige landboutalent te ontwikkel. En ons kan dit teen ’n bekostigbare prys van minder as R29 000 per jaar bied,” sê Howard.
KORTER KURSUSSE
Verskeie sentrums van uitnemendheid sal in Suid-Afrika gevestig word. Daar sal studente praktiese kennis opdoen.
“Daar is ’n groot vraag na kortkursusse in boerdery in die landbou- en verwante bedrywe. Agricolleges International se kortkursusse sal aan bestaande boere en werknemers in die bedryf verdere kwalifikasies bied.”
Agricolleges International het ’n strategiese alliansie met die Universiteit Stellenbosch gesmee deur ’n formele samewerkingsooreenkoms. Die universiteit sal al die finale kursusmateriaal goedkeur.
Agricolleges International is besig om die leerinstelling ingevolge die Wet op Hoër Onderwys (Wet 101 van 1997) te registreer.