Kersie-clafouti
Hierdie maklike clafouti is ’n resep van Maretha de Kock van die plaas Dunelm
naby Clarens. Dit kan as nagereg of met teetyd bedien word. Jy kan ook ander vrugte inspan wanneer kersies nie beskikbaaris nie, of jy kan ingelegde kersies gebruik.
300 g ontpitte kersies
Eerste mengsel
210 ml koekmeel 200 ml suiker 2 eiers 5 ml bakpoeier 30 ml melk 15 ml olie Knippie sout 5 ml vanieljegeursel
Tweede mengsel
150 ml suiker 150 g sagte botter 2 eiers
Voorverhit die oond tot 180 °C en smeer ’n losboom-veerklamppan van 20 cm met botter. Rangskik die kersies onder-in die pan. Klits al die bestanddele vir die eerste mengsel saam en giet so egalig as moontlik oor die kersies. Klits al die bestanddele vir die tweede mengsel
saam in ’n ander bak en skep dit oor die eerste mengsel. Bak vir ongeveer 40 minute of tot ’n toetspen skoon uit die koek kom. Laat effens afkoel en plaas op ’n opdienbord. Sit louwarm of teen kamertemperatuur voor met skinkroom of roomys. Lewer 1 middelslag-clafouti.