AFRONDING VAN BEESTE
Ons wil begin om graad C-beeste in ’n voerkraal af te rond. Hoe doen ’n mens dit ekonomies? Anders as by speenkalwers, word die wins by die voer van C-grade gemaak uit die aankoopmarge en nie die voermarge nie.
Uitskotkoeie handhaaf ’n goeie daaglikse gewigstoename (GDT), maar met ’n hoë voerinname. Dus is die voeromsettingsverhouding (VOV) swak. ’n Koei benodig sowat 9 kg lugdroë
voer per kg toename, terwyl ’n speenkalf sowat 6 kg benodig. Die aankoopprys van uitskotkoeie moet daarom baie laag wees om hulle winsgewend te kan voer.
Gebruik ’n gewone voerkraalafrondrantsoen vir die afronding van C-grade, soos 150 kg Voermol SB 100 (reg.nr. V4498, Wet 36 van 1947), 650 kg mieliegruis en 100 kg hooi.
Dit is ’n volledige voer en moet na behoefte gevoer word. Voer bykomende hooi tydens die eerste 14 dae van aanpassing. Die TABEL hieronder dui tipiese produksiesyfers aan.
Dit is riglynsyfers en sal verskil na gelang van die soort en gehalte van die diere, begin- en eindgewig, en vetheidsgraad aan die begin.
Diere moet ingeënt en gedoseer word aan die begin van die voertydperk. Kontak jou naaste veearts. In plaasvoerkrale gebruik ek ’n riglynsyfervanR3perdagperdierviroorhoofsekoste. Mnr. Ulrich Müller is tegniese bestuurder by Voermol.