Tam vraag knel groenteboere
BYKANS alle groentebedrywe trek tans ongekend swaar en hoewel daar steeds relatief goeie volumes daagliks verkoop word, bly die pryse baie laer as normaalweg.
Mnr. Charl van der Merwe, ’n groenteboer van die KoueBokkeveld, sê ’n jaar gelede het uieboere bo R55/kg vir ’n sakkie uie van goeie gehalte gekry, met ’n nasionale volume van 600 000 sakkies van 10 kg.
“Tans is die volume steeds sowat 600 000 sakkies, maar die prys sukkel om bo R35 ’n sakkie te kom,” sê hy.
Mnr. Ian Grummbacher, ’n direkteur van Dew Crisp, die landwye slaaiverpakkerenverspreider, sê die slaaibedryf is ook onder enorme druk. “Tans is produksie normaal, maar die vraag na alle slaaie is verskriklik laag, wat druk op die prys meebring.”
Mnr. Ebrahim Johnson, ’n sakeman wat vrugte en groente aan gastehuise, restaurante en huisvroue reg oor Kaapstad voorsien, meen egter die pryse op die mark is steeds te hoog.
“Ek koop slegs produkte van topgehalte op die mark, maar my kliënte begin ál meer kla oor die pryse. Hulle het bloot nie meer geld nie, maar verwag steeds topgehalte. Daarom bestel hulle eenvoudig kleiner volumes as gewoonlik.”
FORUM KAN HELP
Me. Lindie Stroebel, bestuurder van Produce Marketing Association (PMA) in SuiderAfrika, meen die ganse groentebedryf is onder druk. “Hoewel groenteuitvoer stadig toeneem, word die grootste persentasie van plaaslike produksie steeds plaaslik verkoop. Die verbruiker bestee egter ál minder geld.
“Dit bring mee dat pryse die afgelope paar maande erg onder druk gekom het, in teenstelling met wat verlede jaar op groentemarkte gebeur het, toe pryse relatief goed gelyk het en die daag likse verkoopvolume goed was.”
Sys ê die beoogde groentebedryf s forum sal produsente van groot hulp wees in sulke moeilike omstandighede.
“Die situasie in die groentebedryf is nog nie op ’n punt van ’n ramp nie, maar boere begin beslis die resessie aan hul kontantvloei voel, water gedruk op toekomsbeplanning plaas ,” sê S troebel. “Dit is juis in hierdie situasie waar kollektiewe besluitneming en samewerking om bykomende koste te bekyk, soos die inspeksiediens, vir boere tot ’n groot voordeel kan strek.”
Forumstigterslede vergader einde Junie oor’ n implementering s plan.