Kartel-ondersoek kon nie op slegter tyd kom
DIE Mededinging s kommissies e ondersoek na ’n beweerde sameswering in die voerkraalbedryf – met rooivleis tans die duurste wat dit in jare was – kan die bedryf skade berokken.
Soortgelyke ondersoeke na groot rolspelers in die varsproduktewaardeketting en die kookoliebedryf is reeds van stapel gestuur.
Die kommissie het inligting van sewe van die land se grootste voerkrale bekom om bewerings van kartelvorming en prysvasstelling te ondersoek.
Bedryfslede meen die tydsberekening van dié ondersoek is verkeerd, aangesien die klag reeds 18 maande gelede by die kommissie ingedien is, op ’n tyd toe die vleisbedryf en veral voerkrale weens die droogte onder enorme druk was. Die destydse gebrek aan weiding en rekordhoë mieliepryse het die aanbod van speenkalwers die hoogte laat inskiet.
Weens die ooraanbod van kalwers het die prys vloer toe geval. Voerkrale voer egter aan dat hulle steeds nie veel geld gemaak het nie, juis omdat voer duur was en kleinhandelaars die ooraanbod uitgebuit het met lae aankooppryse van rooivleis.
Een bron, wat gevra het om anoniem te bly, meen sameswering sou eerder in só ’n situasie plaasvind as nou.
SAMEWERKING GEGEE
Dr. Pi eter Prinsloo, ondervoorsitter van die Rooivleisprodusent eorganiasie en lid van die Veldvleis vereniging van Suid Afrika, sê die voerkrale se reaksie is prysenswaardig. “Mnr. Louw van Reenen van( die voerkraalmaatskappy) Beef m aster het byvoorbeeld op sosiale media onmiddellik te kenne gegee dat hy die proses verwelkom. ’n Bedryf wat konkel en iets het om weg te steek, sal nie so reageer nie.
“Dit is egter nie goed vir ’n bedryf waarvan die verbruikerspryse tans baie hoog is nie. Die ondersoek kan maklik in verbruikers weerstand ontaard deurdat die verbruiker te na gekom voel en dus eerder vis, hoender of varkvleis koop,” sê hy.
Van Reenen, uitvoerende hoof van Beefmaster, het in ’n verklaring sy samewerking in die proses bewillig en gesê hy glo die proses is gesond vir die bedryf.
HOË KALFPRYS
Volgens mnr. Arnold Pretorius, uitvoerende hoof van Karan Beef, was hulle totaal verras deur die ondersoek. “Ons het die kommissie egter op die perseel verwelkom, want daar is nie veel om weg te steek nie.
“Ons het gerugte gehoor dat die ondersoek draai rondom beweringe dat voerkrale saamsweer om die kalfprys laag te hou. Die kalfprys is tans die hoogste in die geskiedenis.
“Daar is egter min salf te smeer aan die verbruiker se ingesteldheid op kort termyn. Ek is bekommerd dat die verbruiker gaan dink die bedryf is nie betroubaar nie, maar daaraan kan ons tans niks doen nie.
“Ons het nie iets om weg te steek nie en kan net hoop dat die proses so vinnig as moontlik sy gang gaan,” sê hy.
‘Ons kan net hoop dat die proses so vinnig as moontlik sy gang gaan.’