GM GEWASSE FLOREER IN SA
DIE OPPERVLAKTE in Suid-Afrika onder geneties gemodifiseerde (GM) mielies, sojabone en katoen het verlede jaar met 16% tot 2,66 miljoen hektaar toegeneem.
Volgens dr. Maneshree Jugmohan-Naidu, direkteur van landbou biotegnologie by die Departement van Wetenskap en Tegnologie, was die Soedan die enigste ander Afrikaland waar GM gewasse verlede jaar geplant is.
Sy het op’ n mediakonferensie van die landbou biotegnologie bedryf( AB I) terugvoering gegee oor die 2016-verslag van die internasionale diens vir die verkryging van landbou biotegnologie- toepassings( I SA AA ).
Jugmohan-Naidu het gesê GM saad is voorheen ook in Burkina Faso en Egipte geplant, maar tydelike terugslae het dit verlede jaar verhinder.
Wêreldwyd het 26 lande verlede jaar GM gewasse geplant en het die oppervlakte met 3% tot 185,1 miljoen hektaar gegroei.
Met die uitsondering van 2015 het die wêreldwye oppervlakte onder GM gewasse vir 20 jaar gegroei, in 12 van dié jare met dubbelsyfers.
Die lande met die grootste oppervlaktes is Amerika (72,9 miljoen ha), Brasilië (wat met 11% tot 49,1 miljoen ha gegroei het), Argentinië (23,8 miljoen ha), Kanada (11,6 miljoen ha) en Indië (10,8 miljoen ha).
Dié vyf lande se aanplantings het saam 91% van die wêreld s’n verteenwoordig.
20 JAAR-REKORD
In Asië en die Stille Oseaan-gebied het groei gewissel na gelang van omstandighede. In Indië en China i sG M katoenaanplanting s deur lae wêreldpryse benadeel. In die Filippyne en Mianmar het die oppervlakte onder GM mielies gegroei danksy ’n hoër vraag na voer vir lewende hawe en pluimvee, asook gunstige weerstoestande.
In Australië was goeie weer ook die geval ná twee jaar van droogte, wat gelei het tot groter aanplantings van GM katoen en kanola.
Jugmohan-Naidu het gesê verlede jaar was ’n belangrike jaar omdat Nobelpryswenners die eerste keer ’n verklaring uitgereik het ter ondersteuning van biotegnologie en kritici daarvan veroordeel het.
Voorts het Amerika se nasionale akademies vir wetenskappe, ingenieurswese en medisyne ’n oorsig van 900 navorsingstukke oor biotegnologie sedert 1996 gepubliseer. Daarin is bevind daar is geen verskil tussen die waarskynlik risiko’s vir menslike gesondheid en die omgewing wat GM gewasse en konvensionele gewasse daarstel nie.
“Biotegnologie-gewasse het nou meer as 20 jaar ’n vlekkelose rekord van veilige gebruik en verbruik,” het Jugmohan-Naidu gesê.