VERBRUIKERS WIL WEET: IS KOS VEILIG?
DIE mate waartoe boere plaagdoders gebruik en die manier waarop hulle verbruikers daaroor inlig, gaan in die toekoms belangriker raak én ekonomiese geleenthede vir boere inhou.
Volgens mnr. Kobus Pienaar, tegniese bestuurder van Woolworths se Farming for the Futureprojek, koop meer as 42% van hul klante dié supermarkgroep se vars produkte met die aanname dat dit gesond en veilig is. ’n Derde verkies Woolworths se produkte gegrond op maatskaplike en omgewings getuigskrifte.
“Ons het ’n opname onder 30 000 klante uit verskillende LSMvlakke gedoen. Die eerste vrae wat hulle vra is: Is die kos veilig? Is dit gesond? Dít is waar plaagbestryding van toepassing is,” het Pienaar op Hortgro Sci
ence se tegniese simposium op Simondium gesê.
Hy het statistiek van die Wêreld gesondheid s organisasie aangehaal wat aandui dat dieetverwante siektes die grootste oorsaak van sterftes ter wêreld is. Dit hou ook verband met onoordeelkundige gebruik van landbou chemikalieë.
Hy voorspel dat plaagdoders en kunsmis in die toekoms sal toeneem om genoeg kos aan ’n groeiende bevolking te voorsien.
“Ons het’ n groot verantwoordelikheid om produksiemiddele behoorlik te bestuur, nie onno
dig te gebruik nie en klante in te lig waarom ons iets gebruik.”
Pienaar sê Woolworths skryf nie aan boere voor om die organiese roete in te slaan nie en hou ook nie ’n lys van plaagdoders wat toelaatbaar is of nie. Die winkelgroep se standpunt is dat “dit wat goed is vir klante, is ook goed vir die grond, omgewing en biodiversiteit op die plaas”.
“Ons wil ons kosonderneming aansienlik uitbrei en dit sal ons ekologiese voetspoor verdubbel. Ons het dus die verantwoordelikheid om die regte dinge saam met die boere te doen. Wins en ekologies vriendelike metodes moet ook in balans met mekaar wees.”
‘Dit wat goed is vir klante, moet ook goed wees vir die grond, omgewing en biodiversiteit.’