DOK THEO STAAN REG OM WÊRELD SE BOERE TE DIEN
“IN Afrika het boere die vermoë om op landbougebied saam te werk ten spyte van hul eie lande se betrokkenheid by internasionale politiek,” sê dr. Theo de Jager, nuwe voorsitter van die Wêreldorganisasie vir Boere( WF O ). Hy het met Landbouweekblad gepraat terwyl hy die spitsverkeer in Pretoria getrotseer het op pad na ‘n vergadering waar hy boere van Limpopo se belange op nasionale vlak gaan verteenwoordig.
Hy sê om onderlinge samewerking tussen verskillende lande se landbou organisasies te bewerkstellig, is een van die groot hindernisse wat hy in sy ampstermyn van twee jaar by die WFO die hoof moet bied.
“Die Mexikaanse boere wil nie met die Amerikaanse boere saamwerk nie, want die Amerikaanse president dreig om ‘n muur tussen dié twee lande te bou. Die Russe en die Europeërs grom vir mekaar en die Noorden SuidAmerikaners sit nie altyd om dieselfde vuur nie.”
De Jager, ‘n ervare onder handelaar, sal gemeenskaplike belange tussen sulke lede moet identifiseer en gesprekke bemiddel wat tot groter eenheid in die internasionale landbou lei.
EEN STEM NODIG
Daar is ook talle lande wie se landbouorganisasies nie tot die WFO behoort nie, veral in WesAfrika en die ou Oosbloklande.
“Ek sal daardie lande se organisasies moet besoek en hulle be trek om‘ n verteenwoordigende stem vir internasionale landbou daar te stel.”
Ander kwessies wat vlak in boere se gemoed van oor die hele wêreld lê, is biotegnologiese handelsmaatreëls.
Daaroor sê De Jager moet hy baie vinnig baie leer. “Europese boere kan nie sonder markbeskerming bestaan nie, terwyl NieuSeeland se boere nie weet wat markbeskerming is nie. Europa en groot dele van Afrika het ‘n weersin in die blote gedagte van geneties gemodifiseerde (GM) gewasse. SuidAfrika en die Amerikas boer baie suksesvol daarmee.”
Wat die GMkwessies betref, gaan De Jager se ervaring as bemiddelaar in verskeie landbouen grondvraagstukke op die vasteland van Afrika ‘n sleutelrol speel.