Witmieliebaster pronk by Delmas
Met ’n rekordoes op hande vir Suid-Afrika is dit lekker om te hoor hoe stropers bykans oral in die land sing en silo’s tot barstens toe vol is. PAN 4B-311B is een van die witmieliebasters uit Pannar se stal wat die afgelope seisoen uitstekend gepresteer h
Op die plaas Olifantsfontein naby Delmas in Mpumalanga boer mnr. Wessel Hoffman en sy seun Kobus. Hulle het die afgelope seisoen Pannar se witmieliebasters PAN 4B-311B en PAN 4R-511R aangeplant.
“Ons het PAN 4B-311B gekies omdat ons hierdie mielie teen ’n laer stand kan aanplant, wat by ons plaas se verbouingstoestande pas. Ons hoef nie teen ’n hoë stand te plant om resultate te kry nie en gebruik tans ’n stand van 55 000 plante per hektaar. Dié baster vergoed mooi vir die laer stand en het uitstekende koppe gemaak,” sê Kobus.
“Ons het hierdie spesifieke baster verlede jaar op die Pannar Extravaganza gesien. Omdat die witmielieprys toe so goed was, het ons besluit om PAN 4B-311B te gebruik. Hy het goed in ons pakket ingepas en is ’n vinnige groeier. Ons het hom juis ook vroeg aangeplant om die goeie prys van vroeë wit mielies te kon benut,” sê Kobus.
PAN 4B-311B EN PAN 4R-511R
Die enkelkoppige wit basters PAN 4B-311B en PAN 4R-511R pas in die vinnige groeiklas en lewer uitstekende prestasie in die oostelike Hoëveld en KwaZulu-Natal onder droëland en besproeiingstoestande. Onder besproeiing is dit ook goed aangepas vir die produksiegebiede in die warm westelike Hoëveld, Limpopo en die Oos-Kaap. Dié pakket presteer ook as strategiese basters en aanvullende aanplanting in die Noord-Kaap.
Die goeie staanvermoë en lae siekterisiko vir Phaeosphaeriablaarvlek en Diplodia-kopvrot is ’n verdere aanwins. Dié mieliebasters het ook goeie weerstand teen verskillende roessiektes.
PAN 4B-311B was in die oesjaar 2013-’14 die toppresterende wit mielie in die Landbounavorsingsraad se kultivarproewe onder droëland vir die oostelike produksiestreek.
STREEKSPRESTASIE
Mnr. Zander Labuschagne, verkoopsverteenwoordiger van Pannar in die Delmas-omgeplantestand wing, verduidelik hoe hierdie basters in die streek presteer.
“PAN 4B-311B is ’n wydaangepaste mielie in hierdie streek. Die boere presteer goed met hom op droëland én onder besproeiing. Hierdie mielie presteer so ver noord as Limpopo, waar ’n bietjie meer hitte-eenhede is en die opbrengs effens hoër is onder besproeiing. In die Delmas-omgewing word die baster teen ’n plantestand van 55 000-65 000 per hektaar aangeplant en dit lewer ’n opbrengs van 12-14 ton per hektaar onder besproeiing,” sê Zander.
“In hierdie gebied beveel ons ’n stand van 55 000 plante per hektaar aan vir boere wat gedeeltelike besproeiing doen, juis omdat ons nie genoeg hitte-eenhede hier het nie. In Limpopo groei hy ’n bietjie vinniger en daar plant hulle hom teen ’n hoër plantestand aan. Teen ’n laer sal PAN 4B-311B vergoed met ’n groter kop. Teen ’n hoër stand het hy tipies ’n kleiner kop, maar die opbrengs bly min of meer dieselfde. In hierdie omgewing is die tyd tussen plant en stroop van 200 tot 215 dae na gelang van die humiditeit en hoe warm dit was.”
NAVRAE: Vir nog inligting oor PAN 4B-311B en PAN 4R-511R of Pannar se ander mieliebasters en gewasse, gaan na www.pannar.com of skakel tel. 033 413 9500. Vir streekspesifieke advies in die Delmas-omgewing skakel mnr. Zander Labuschagne by sel 076 510 6150.