Beste bod vir maksimum waarde
Vleissentraal is reeds meer as 80 jaar ’n leier as afslaer in die stoetveebedryf. Hy bied die meeste nasionale veilings in die land vir die onderskeie telersgenootskappe aan. Die maatskappy is trots op sy rol as ’n deelnemer in die formele landbousektor.
Vleissentraal bied jaarliks gemiddeld 1 600 veilings aan. Dit onderskei die maatskappy as professionele bemarker en kenner op die gebied van veilings.
Die beste pryse word behaal danksy bekwame en kundige bemarkers. Betaling geskied op ooreengekome voorwaardes en vooraf goedgekeurde kopers kry gunstige betalingstermyne.
AFGELOPE VEILINGS
Veilings wat Vleissentraal aan- bied, behaal gereeld groot sukses. Die afslaershamer het op die onderstaande veilings goeie pryse vir verkopers beklink.
DORPERS
Die Dorpertelersgenootskap se nasionale veiling is op 4 Maart by die Conrad-kleinveesentrum in Pretoria gehou. Die hoogste prys wat op die veiling behaal is, was vir ’n stoetram van die Dorperstoetery Atka van dr. Corrie Avenant. Die ram is vir R46 000 verkoop.
Die duurste Wit Dorperram (van die Dorperstoetery Atka) is vir R20 000 aan Jamba-boerdery in Polokwane verkoop.
Die duurste Dorperooi (van Vanco-trust) is vir R11 000 aan mnr. W.J.J. Zietsman van Polokwane verkoop. Die duurste Wit Dorperooi (van die Dorper- stoetery Atka) is vir R14 000 aan mnr. S.J. Gerber van BelaBela verkoop.
BONSMARA
Die Bonsmara-telersgenootskap se nasionale veiling is op 15 Maart by die Afridome op Parys gehou. ’n Dragtige stoetkoei van G10 Bonsmaras by Burgersdorp in die Oos-Kaap is vir R35 000 verkoop. ’n 3-in-1-koei (dragtige koei met kalf) van Mpola-trust by Bethlehem is vir R60 000 verkoop. ’n Dragtige stoetvers van Hassim Bonsmaras by Louis Trichardt, Mpumalanga, is vir R42 000 verkoop en ’n stoetkoei en haar kalf van mnr. J.J. Ferreira van Harrismith is vir R78 000 van die hand gesit.
HUGENOTE
Die nasionale veiling van die Hugenoot SA-beestelersgenootskap is op 20 April by die Warmbad-veemark by Bela-Bela, Limpopo, gehou. Daar is 27 beeste verkoop. Die duurste bul is vir R27 000 verkoop en die duurste vers vir R10 000. Die omset van die veiling was R399 000.
AFRIKANER
Die Afrikaner-beestelersgenootskap se nasionale veiling is op 26 Augustus verlede jaar by die Obaro-ring tydens die Jakarandaskou in Pretoria gehou.
’n Bul van dr. P.M. de Kock van Thabazimbi, Limpopo, is aan mnr. P.A. Cronjé van Theunissen vir die hoogste prys van R110 000 verkoop.
Altesaam 15 bulle, agt dragtige koeie, 40 dragtige verse en twee osse is verkoop. Die hoogste prys vir ’n dragtige koei was R16 500 wat mnr. E.J. Cronjé van Winburg betaal het. ’n Dragtige vers is vir R23 000 aan Protect IT BK van Musina verkoop. Die hoogste prys vir ’n os was R20 000, wat Hurwitz Farming in Ermelo, Mpumalanga, betaal het.
Vleissentraal het ook die Santa Gertrudis-telersgenootskap se nasionale veiling in Bloemfontein aangebied. Die Suid-Afrikaanse rekordprys vir ’n koei is met ’n prys van R75 000 geëwenaar.
Die nasionale veiling vir Miniatuurperde is in Bethlehem aangebied. Die hoogste prys vir ’n hings was R17 000 vir Tylucas Supernova. Die hoogste prys vir ’n dragtige merrie was R28 000 vir Mystical. NAVRAE: E-pos: hoofkantoor@vleissentraal.co.za; webwerf: www.vleissentraal.co.za; tel. 012 460 9916.