Kies regte planters vir sukses
Kommersiële boere verstaan en ondersteun die beginsels van bewaringsboerdery. Natuurlike hulpbronne, soos grond en water, is nie hernubaar is nie. Dit spoor almal aan om dit met sorg te benut.
Met bewaringsboerdery is daar nie ’n regte of verkeerde benadering nie. Almal het verskillende menings oor motivering en aanvaarding. Hetsy ’n boer konvensionele, minimum- of geenbewerking kies om bepaalde doelwitte te bereik, die keuse van ’n rygewasplanter met sekere spesifikasies is bepalend in die die boerdery se sukses.
BEGINSELS
Pas die volgende beginsels toe met die plant van rygewasse: Die presiese plantdiepte, soos vereis en vooraf bepaal; Die korrekte kontak tussen die saad en die grond, wat verkry word met die korrekte kompaksievlakke; Die presiese en korrekte afstand tussen plante – elke pit, elke keer; Die korrekte plasing van die korrekte hoeveelheid kunsmis; Min of geen variasie in bogenoemde wanneer planttoestande wissel; en Die eenvoudige en maklike verstelling van die planter om dié doelwitte te bereik. Daar is geen werklike ver- skil tussen die plantervereistes in konvensionele, minimumen geenbewerkingstoestande nie. Die groot verskil lê in die plantereenheid se vermoë om plantresidu tydens minimumen geenbewerking, asook die fermer grondstruktuur tydens geenbewerking baas te raak.
RYSKOONMAKERS
Pas ’n goed ontwerpte konvensionele planter redelik maklik aan om in minimumbewerkingstoestande te kan plant deur ryskoonmakers aan te bring en die druk op die ryeenheid hoër te verstel. Die produsent kan dus dieselfde planter in verskillende bewerkingstoestande gebruik.
Geenbewerkingsplanters is gewoonlik ontwerp om deur groot hoeveelhede plantresidu te sny sonder om ryskoonmakers te gebruik. Dit vereis masjiene wat meer druk op die snyskywe kan plaas om doeltreffende snywerk te doen. Gebruik die hoër druk op die plantereenheid om meer druk op die verdigtingswiele te plaas om in fermer grond steeds goeie kontak tussen die saad en die grond te bewerkstellig.
PLANTERS VIR ELKE RY
Kuhn vervaardig rygewasplanters vir verskillende toestande in sy fabrieke in Frankryk en Brasilië.
Die Kuhn Maxima 2-reeks is pneumatiese presisieplanters wat gemik is op konvensionele en minimumbewerking.
Modelle is beskikbaar in 4-, 6en 8-ryformaat, 75 cm of 90 cm gespasieer, en in sleep- en driepuntmontering. Die toevoeging van die ryskoonmakers verander die Maxima 2 in ’n planter wat minimumbewerkingstoestande doeltreffend baas kan raak.
Die planteenheid is op ’n parallelogram gemonteer, wat presisiediepteplant in wisselende grondkontoere ondersteun.
Die Kuhn Maxima PG en PDMPG Prime is ontwerp en gebou vir geenbewerkingstoestande. Planters is in 4-, 6-, 8-, 10- en 12-ryformaat, 45 cm, 75 cm en 90 cm gespasieer, en in sleepweergawe beskikbaar.
Die PDMPG Prime is met sentrale saadvoorsiening en V-SET Precision®-uitmeeteenhede toegerus. Die Elliot Flexshaft-transmissie dryf dit aan vir minimum onderhoud en optimale presisie.
Die keuse van ’n rygewasplanter is bepalend in die boerdery se sukses.