Beleggings stroom na Oos-Kaap
Dit is bemoedigend dat besighede en boere steeds voluit in die landbou belê.
Dit lyk of die Oos-Kaapse landbousektor herontdek is en dat daar skielik taamlik beleggings gemaak word, sê mnr. Erns t de Beer, besigheid s ontwikkelings bestuur derby Lae- veld Agrochem.
Die vernaamste landbou vertakkings in die Oos-Kaap is die vrugte-, melk-, graan-, wild- en veebedryf. Makadamia- en pekanneute, avokado’s en bloubessies word ook ondersoek.
“Gebiede soos die Gamtoos-, Sondags- en Katriviervallei, Oos-Londen, Port Alfred en die Tsitsikamma het reusepotensiaal vir makadamianeute. Die skerp toename in dié soort boerdery aktiwiteite in tradisionele landboudorpies het veroorsaak dat die aantal gastehuise drasties toegeneem het. Dit is ’n goeie teken van ontwikkeling,” sê Ernst.
Landbou ondernemings belê ook toenemend in dié provinsie met meer kundiges, vaardighede, tegnologie en produkte wat aan Oos-Kaapse boere beskikbaar is.
“Ons reeks Decision FarmingTM-produkte werp vrugte af en word ál gewilder. Ons presisie boerdery dienste help landbou-entrepreneurs om die regte boerderybesluite te neem en toe te pas. Bestaande boerderye kan hul bedrywighede vertikaal optimaliseer danksy beter inligting vanuit ons My Farm WebTM-platform deur Agri Technovation,” sê Ernst.
Die sitrusbedryf beleef ook sterk groei. Dit het beleggings gestimuleer en gelei tot indrukwekkende uitbreidings, waaronder nuwe pakhuise en boorde. Vrugteproduksie behels veral kern- en steenvrugte in die Langkloof en sitrus in die Gamtoos-, Sondags- en Katriviervallei.
“Die Langkloof is by uitstek geskik vir die verbouing van bladwisselende vrugte vanweë die koue-eenhede in die winter en die matige somerklimaat, wat vrugte van hoë gehalte en ’n baie goeie smaak afrond.
“Die Sondags rivier vallei is sinoniem met die produksie van suurlemoene, wat ten opsigte van gehalte en opbrengs ongeëwenaard is in die Suidelike Halfrond. Die oudste sitrusplase word egter in die Katriviervallei by Fort Beaufort aangetref, wat weer bekend is vir die soetste nawels in Suid-Afrika,” sê Ernst.
Die vrugtebedryf is een van die grootste werkverskaffers en bring ook jaarliks miljarde rande se buitelandse valuta na die plaaslike gemeenskappe.