BRANDSTOFPRYSE BEGIN WEER STYG
Ná twee opeenvolgende maande se dalings in brandstofpryse wil dit lyk of pryse weer op 2 Augustus gaan begin styg.
Mnr. Wandile Sihlobo, hoof van ekonomiese en landbou-inligting by Agbiz, het teen die middel van die maand verwag dat die prys van petrol met sowat 8 sent per liter sal styg en dié van diesel met ’n aansienlike 20 sent per liter.
Dit sal die prys van diesel (0,05% binnelands) van R10,97 per liter tot R11,17 per liter laat styg en petrol (95 ULP binnelands) van R12,86 per liter tot R12,94 per liter.
“Die verwagte verhoging is grootliks weens ’n styging in die prys van Brent-ruolie. Die gemiddelde prys vandeesmaand is $51,75 per vat – 8% hoër as Junie se gemiddelde prys. Daarby speel die wisselkoers ook ’n rol met die rand wat 3% sedert Junie verswak het en op gemiddeld R13,33 vir ’n dollar staan.”
Sihlobo sê hoewel dit ’n betreklik stiller tyd in die landbou is, is daar steeds streke waar mielies nog geoes word, terwyl verskeie tuinbougewasse ook nog geoes word.
“Daarby moet ’n mens in ag neem dat 80% van die land se graan padlangs vervoer word, wat die vervoersektor kwesbaar maak teen prysskommelinge.
“Die landbou sal die opwaartse druk op produksiekoste voel. Landbou-ondernemings, veral dié wat produkte moet vervoer, sal ook die stygings voel.”
Begin Julie was die daling in die petrolprys ’nstewige68sentperliterendiedieselhet60 sent per liter minder gekos. In Junie was die