Veeverslag
Dit is ’n wanindruk dat veral parasiete nou minder voorkom.
BOERE moenie dink die winter is ’n tyd wanneer hulle hul waaksaamheid oor veesiektes en parasiete kan laat verslap nie, sê dr. Faffa Malan, bestuurder van die Herkouerveterinêre Vereniging van Suid-Afrika (RuVASA), in sy Junie-verslag oor veesiektes wat deur veeartse in Suid-Afrika aangemeld is.
Die aanmeldings in die TABEL bewys die teendeel: Boere moet nooit laat slap lê nie, anders kan dit hulle duur te staan kom.
INWENDIGE PARASIETE
Rondewurms is in ál nege provinsies deur veeartse aangemeld. Malan sê mense dink verkeerdelik dat parasiete in die winter dormant is. Boere moet juis nou met hul veeartse saamwerk om parasiete deeglik te bekamp.
UITWENDIGE PARASIETE
Hierdie parasiete kom steeds landwyd voor. Gedurende die koeler maande kom die larwe- en nimfstadium grootskaals voor en hulle heg dan dikwels aan die diere se ore vas. In gebiede waar die bruinoorbosluis voorkom, word boere aangeraai om hul vee te dip.
Weerstand by bloubosluise teen dipstowwe is aan die toeneem. ’n Veearts kan raad gee oor hoe bosluise in hierdie stadium bekamp kan word.
GESLAGSIEKTES
Geslagsiektes, veral trigomonose en vibriose, neem steeds toe en berokken boere baie skade. Malan sê ’n behoorlike biosekerheidsprogram is noodsaaklik om geslagsiektes uit ’n kudde te weer.
BAKTERIESE SIEKTES
Net soos met geslagsiektes moet die boer biosekerheid deeglik toe- pas om bakteriese siektes hok te slaan. Maak veral seker vee wat op veilings aangeskaf word, is afkomstig van plase waar boere óók goeie biosekerheid toepas.
BOSLUISOORDRAAGBARE SIEKTES
Die winter is die beste tyd om beeste teen Asiatiese rooiwater in te ent. Weer eens kan ’n vee- arts help om betyds ’n goeie in- entingsprogram saam te stel en in werking te stel.
INSEKOORDRAAGBARE SIEKTES
Siektes wat deur insekte oorge- dra word, neem gewoonlik ná die eerste ryp af. Die rede waarom knopvelsiekte in ál die provinsies aangemeld is, is omdat dié siekte ook deur bosluise oorgedra word.
VIRUSSIEKTES
Virussiektes kan ’n veeboer hárd tref, want daar is geen middels waarmee besmette diere behandel kan word nie. Snotsiekte is juis weer in ál nege provinsies aangemeld.
Daarom is inenting noodsaaklik om virussiektes te bekamp mits entstowwe beskikbaar is. Die ont- wikkeling van ’n entstof teen snot- siekte is tans nog nie afgehandel nie. Gevolglik is biosekerheid noodsaaklik om sulke siektes uit ’n kudde te weer.
RuVASA se verslag word maan- deliks opgestel uit inligting wat van veeartspraktyke ontvang word. Die doel is om boere in te lig en te help om siektes voorkomend te bestry, asook te let op diere wat met siektes en parasiete aangekoop word.