Leeusse uitvoerkwota nou bepaal
’n Uitvoerkwota vir die geraamtes van leeus in aanhouding is deur die Konvensie oor Internasionale Handel in Bedreigde Spesies van Wilde Fauna en Flora (Cites) bepaal.
Die uitvoerkwota vir 2017 vir leeus wat in aanhouding geteel is, is op 800 geraamtes, met of sonder die kopbeen, vasgestel. Internasionale handel is beperk tot die handel in geraamtes – geen individuele stukke mag uitgevoer word nie. Dié besluit is op grond van wetenskaplike navorsing oor die aard van die handel in leeubeendere geskoei.
Dr. Edna Molewa, Minister van Omgewingsake, het in Junie vanjaar alle provinsiale departemente van bewaring oor die uitvoerkwota ingelig. Die departement sal die kwota op nasionale vlak bestuur.
Geen leeubeendere, of enige ander gedeeltes van leeus, mag sedert Januarie deur SuidAfrika uitgevoer word nie. Dié handelsverbod is intussen opgehef en vervang deur die uitvoerkwota en nadat bepaal is hoe die proses bestuur gaan word.
SuidAfrika se COP17afvaardiging op die Citesberaad verlede jaar het gesê Suid Afrika sal geen beendere van wilde leeus laat uitvoer nie en dat ’n kwota ingestel sal word vir plekke wat leeus in aanhouding teel.
Die aankondiging is gedoen in ooreenstemming met Citesvereistes dat die nasionale uitvoerkwota, wanneer dit bepaal is, aan die Citessekretariaat bekend gemaak sal word.
Die SuidAfrikaanse bevolking van Panthera leo (Afrikaleeu) is ingesluit in bylaag II van Cites. In bylaag II is ’n lys spesies wat nie tans die gevaar staan om uit te sterf nie, hoewel dit kan verander as handel nie beheer word nie. ’n Uitvoerpermit sal dus slegs vir ’n bylaag II
spesie toegestaan word as ’n wetenskaplike instelling van die land van waar af uitgevoer word, aandui die uitvoer sal nie nadelig wees vir die oorlewing van die spesie nie. SuidAfrika het daartoe ingestem om voorkomend op te tree en risiko’s te vermy.
Die departement is bekommerd daaroor dat die verbod
op die beendere van leeus wat in aanhouding is, daartoe sal lei dat leeubeendere onwettig van wilde leeus verkry gaan word.
Goed gereguleerde handel s bedrywighede help die departement om probleme rakende die verhandeling te monitor, waaronder die moontlike impak op die wilde leeubevolking.