Maak gereed vir Aldamveeskool
Deelnemers aan die Aldam-veeskool wat van 18 tot 20 Oktober gehou word, kan weer reg staan om meer kennis van moderne boerderymetodes in te win.
Die Veeskool lê nie meer net op vleis bees produsente klem nie en is daarom tot die Aldam-veeskool herdoop. Vanjaar se tema – Deelname aan die rooivleiswaardeketting deur middel van verbeterde bestuurspraktyke – is gemik op bees -, skaap-én bok vleisprodusente.
Die skool rus veeboere toe met toepaslike kennis om internasionaal mededingend te wees en bring die betrokkenes in die rooivleis waardeketting nader aanmekaar, sê dr. Michael Bradfield, organiseerder van die Aldam-veeskool en hoof van Breedplan Suider-Afrika.
’n Beduidende getal kursusgangers het ook ’n kleinveeboerdery. Die organiseerders het dus besluit om die skool aan te pas om sessies spesifiek vir skaap- en bokboere in te sluit.
Die lys sprekers word deur verskeie plaaslike kenners van rooivleis produksie versterk. Michael sê die beste sprekers word weer na die Veeskool genooi, wat vanjaar twee buitelandse kenners insluit.
Die een spreker is mnr. Don Schiefelbein, lid van ’n gesin van nege broers wat een van Amerika se grootste vleis beesboerdery e in die deelstaat Minnesota bedryf. Dié boerdery is in 1955 begin en het mettertyd gegroei tot ’n reusagtige onderneming.
Mnr. Jason Strong, hoof van die AA Company in Australië, is die ander buitelandse spreker. Dit is een van die wêreld se grootste vleis beesboerdery e en dek die hele waardeketting, onder meer voer.
Michael sê die Suider-Afrikaanse rooivleisbedryf moet sy volle potensiaal benut deur te verstaan hoe die res van die wêreld werk. Die bedryf se voordele en leemtes moet geïdentifiseer word.