Só sê ’n byeboer
ook lekker. As jy nie alkohol wil gebruik nie, kan jy die koffiestroop daarsonder maak.
Beslag
185 g sagte botter 180 ml strooisuiker 3 eiers, geskei 310 ml karringmelk 530 ml koekmeel 12 ml bakpoeier
Stroop
375 ml sterk, swart koffie 250 ml bruinsuiker 5 ml vanieljegeursel 45 ml whisky of rum Voorverhit die oond tot 170 °C en smeer ’n groot ringkoekpan. Verroom die botter en strooisuiker saam en klits die eiergele en karringmelk by. Sif die meel en bakpoeier oor en vou dit by die bottermengsel in. Klits die eierwitte tot stywe punte vorm en vou versigtig in. Skep in die voorbereide pan en bak vir ongeveer 40 minute tot deurgaar. Haal uit die oond en laat effens afkoel. Verhit die koffie en suiker vir die stroop saam tot die suiker gesmelt is. Prut vir ongeveer 7 minute en voeg die vanieljegeursel en whisky by. Prik die koek met ’n sosatiestokkie. Skep die stroop oor en laat staan om heeltemal af te koel. Sit voor met geklopte room. Lewer 1 groot koek (ongeveer 16 porsies).
Klapperkoek met suurlemoenheun ingstroop Beslag
125 g sagte botter 250 ml strooisuiker 3 eiers 250 ml louwarm water 250 ml koekmeel 15 ml bakpoeier 2 ml sout 500 ml fyn klapper
Stroop
180 ml suiker 125 ml water 125 ml vars suurlemoensap 60 ml heuning 2 repe suurlemoenskil Voorverhit die oond tot 180 °C en smeer ’n middelslag broodpan of spuit met kleefwerende kossproei. Voer uit met bakpapier en smeer weer. Verroom die botter en suiker en klits die eiers een vir een by. Voeg die louwarm water by en klits goed. Voeg die meel, bakpoeier, sout en klapper by die bottermengsel. Maak aan tot ’n beslag en giet in die voorbereide pan. Bak vir 35-40 minute tot goudbruin bo-op en ’n toetspen skoon uit die koek kom. Berei die stroop terwyl die koek bak: Verhit al die bestanddele stadig saam oor lae hitte, terwyl jy roer tot die suiker gesmelt is. Verhit tot kookpunt en kook vinnig vir ongeveer 5 minute. Giet die warm stroop oor die koek sodra dit uit die oond kom. Laat heeltemal afkoel in die pan, keer uit en sit voor met ’n skeppie geklopte room. Lewer 1 middelslagkoek (ongeveer 12 porsies).