Winsgewende wit mielie presteer
Ná ’n goeie produksietyd glimlag boere in die oostelike produksiestreek breed oor die goeie mielie-oes. Pannar en Landbouweekblad het tydens strooptyd daar gaan inloer.
Tussen Heidelberg en die Vaaldam loop die stropers reeds van vroegdag af op mnr. Wouter Cronjé se lande. Dié saaiboerdery pas net droëland verbouing toe en Wou ter verwag vanjaar ’n puik oes. Ja, die mielieprys het gedaal, maar die vreugde loop hoog in die stroper se kajuit waar Wouter trots na die elektroniese meter wys wat die opbrengs per hektaar aandui. Hy is ’n lojale klant van Pannar, maar dit is nie om dowe neute nie. Wouter se lojaliteit is gevestig op ’n betroubare produk, billike prys en staatmakerdiens en -advies.
PAN 4A-111
Wouter plant sowel wit as geel mielies en lewer nie-GM mielies aan ’n nismark.
“Ons kry ’n premie vir nie-GM mielies. Daarvoor gebruik ons veral PAN 4A-111, wat een van die beste wit mieliebasters is wat nie ’n GM mielie is nie,” sê Wouter.
Dit is ook in drie bykomende weergawes beskikbaar, naamlik PAN 4 R -511 R( met verdraagsaamheid te eng li f o saat onkruiddoder ), PAN 4B-311B (met weerstand teen stronkboorder) en in die stapelgeen-weergawe, PAN 4R-711BR.
“’n Groot sterkpunt van hierdie baster is sy opkoms,” sê mnr. Tinus van Rensburg, Pan nar se verkoop s verteenwoordiger in die Heidelberg-omgewing.
“Hierdie mielie val in die vinnige groeiklas en is geneig om net een groot kop te gee. As dit egter goed gaan, soos in hierdie seisoen, vorm hy maklik twee groot koppe.”
Wouter plant teen ’n stand van 30 00032 000 plante per hektaar met ’n rywydte van 91 cm. “Die potensiaal is dáár, maar dit is nie nodig om té dig te plant nie,” sê Tinus.
PAN 4A-111 is goed bestand teen blaarsiektes en kopvrot. Die mieliebaster lewer ’n topgraadse graan.
Wouter het ook ’n beesvertakking en die mieliereste word goed benut.
“Hulle staan al by die hek en wag om hier in te vaar nadat ons gestroop het,” sê Wouter.
Op die lande met PAN 4A-111 het Wouter ’n gemiddelde opbrengs van 8,7 ton/ha behaal. Plek-plek was die opbrengs selfs meer as 11 ton/ha.