Radium Engineering lui nuwe era in
Radium Engineering streef sedert 1965 daarna om die beste verskaffer van landbouwerktuie en toerusting in SuiderAfrika te wees. Die maatskappy het pas sy nuwe handelsmerk ontwerp bekendgestel.
Radium Engineering se strewe na uitnemendheid behels elke vlak van vervaardiging en diens. Dit sluit in die voorkoms en afwerking van werktuie, vanaf bou-, sweis- en verfwerk tot die finale afronding. Die ontwerp van Radium se produkte word ook goed deurgetrap voordat die finale werktuig op die mark verskyn.
’n Boer wil darem ook ’n mooi werktuig besit wat hy met trots op die lande agter sy trekker kan haak. Baie aandag word daarom geskenk aan die voorkoms, ergonomiese ontwerp en estetika van die masjinerie.
Werktuie moet natuurlik ook funksioneel wees en Radium lê groot klem op die tegnologie, doeltreffendheid, gemak van gebruik, onderhoud en gebruiksduur van sy produkte. Naverkopediens en ondersteuning aan sy kliënte word sterk beklemtoon.
OU WAARDES, NUWE IDEES
Met die derde geslag van die familie Roest wat Radium Engineering tans bedryf, is dit maklik om te verstaan dat persoonlike betrokkenheid by die besigheid vir hulle belangrik is.
Persoonlike waardes is belangrik in dié familiebesigheid wat daarin glo om altyd aan te hou groei en ontwikkel.
Die onderneming se waardes lê diep gewortel in die nalatenskap van die vorige geslagte, maar die nuwe geslag besef ook dat verandering nodig is vir groei en om plek te maak vir vernuwende idees.
NUWE LOGO
Radium Engineering se volgende fase van groei lei ook ’n nuwe era vir die besigheid in. Met ’n nuwe bestuur is die maatskappy se visie om vir toekomstige geslagte ’n onderneming te bou wat ’n wêreldvisie en ondernemingsgees insluit.
Die nuwe kenteken weerspieël Radium Engineering se verbintenis met die nalatenskap van vorige geslagte, maar dui ook op die moderne era en kontemporêre uitkyk wat die maatskappy het.
NAVRAE: Webwerf: www.radium. co.za; tel. 012 719 9062/9063.