Wenke vir sukses met skape in voerkraal
Weens die kompleksiteit van faktore wat ’n invloed op lamsvleis-produksie in die voerkraal het, is ’n hoë bestuurspeil belangrik.
Dit is belangrik om lammers op ’n jong ouderdom te bemark, want hoe ouer die lam word, hoe stadiger neem sy gewig toe. Terselfdertyd styg die hoeveelheid voer benodig vir elke kilogram in gewigstoename.
Die vroeë bemarking van lammers bring mee dat die boer ’n groter aantal aanteelooie op die plaas kan aanhou.
Deur lammers vroeg te speen en in die voerkraal af te rond, herwin die ooi ook haar optimale liggaamsgewig makliker. Dit lei tot verhoogde reproduksie.
Vir elke 1 kg wat ooie met paartyd swaarder is, behoort die lampersentasie met 1-1,5 te styg.
AFRONDING
Die sukses van afronding sal deur die beskikbare geriewe beinvloed word.
Voerkrale moet verkieslik teen ’n helling wees ter wille van drei- nering en die voorkoming van probleme, soos vrotpootjie.
Die voerkraal moet in ’n oos-wes-rigting wees om die beskikbare skaduwee die beste te benut. In oop krale word ’n ruimte van 1,5 m2 tot 2,5 m2 per skaap benodig.
Met meer as 150 diere per kraal sal die voorkoms van skaamvreters verhoog. Dit sal ook moeiliker wees om indivi- duele diere wat aandag verg, op te spoor.
Ontwerp en plaas voerkrippe só dat die skape of bokke nie binne-in kan klim nie. Dit sal keer dat hulle in die voer mis of urineer.
Plaas die krippe ook só dat die voer nie natreën nie. Hoewel kripspasie van 100 mm per skaap voldoende is, sal spasie van tot 300 mm voordeliger wees, veral tydens die aanpassings tydperk.
MENGINSTRUKSIES
Maal ruvoer met ’n 12 mm-sif om goeie innames en vermenging te verseker.
Vervang mielies geheel of gedeeltelik met gars, maar beperk die insluiting van koring en hawer tot 20%.
Rantsoene 1, 2 en 3 is veral geskik vir die maak van voerkorrels. Maal ruvoer fyn om die geskikte korrelgehalte te verseker en vervang die 40 kg melassemeel met graan.
Rantsoene 1 en 2 is veral geskik vir jong lamme r sofas aanvang s rantsoene. Di tis belangrik om soveel moontlik smaaklike ruvoer, soos lusern, vir jong lammers te gebruik. Dit is ’n goeie praktyk dat minstens 50% van die ruvoerkomponent vanaf ’n smaaklike bron sal wees.
Rantsoen 3 kan as groeirantsoen dien, terwyl rantsoen 4 veral vir ouerskap e of as afrondings rantsoen geskik is.