Spoed op die land
Die moontlikheid van goeie oeste het ’n groot invloed op AgriCAD se verkope gehad en tot ’n rekordjaar gelei.
Die kunsmistapkar is ’n belangrike werktuig omdat dit kunsmis vinnig van die stoor na die land neem en doeltreffend in die planters kan oorlaai.
Die kunsmis se vorm moet behou word te midde van die blootstelling aan vog en die verpoeiering van die korrels.
AgriCAD het ’n reeks kunsmistapkarre van onderskeidelik 7 ton, 10,5 ton en 15 ton. Gegalvaniseerde awegare is ontwerp om die minimum verpoeiering van die korrels te veroorsaak. Die operateur het totale beheer oor die uittapspoed by die uittappunt en voorkom só vermorsing.
Grond voorbereiding verg deeglike beplanning omdat dié proses gewoonlik meer kilowatts en dus meer diesel vereis. AgriCAD vervaardig ’n reeks skeurploeë wat 450 mm diep werk.
Die gesogte HR061 werk 800 mm diep met ’n hidrouliese terugskopaksie, wat ideaal is om ’n verdigtingslaag maklik op te breek. AgriCAD het ook ’n reeks skottelwerktuie met 20 tot 52 skottels en tandem skottelwerktuie met 52 tot 96 skottels.
NUUT OP DIE RAK
AgriCAD stel graag sy vloeibare kunsmis toediener bekend. Groot sukses is reeds in proewe in die voorseisoen met dié werktuig behaal. Met hierdie werktuig kan vloeibare produkte, soos kunsmis, gifstowwe en kalk, voor en ná planttyd onder- of bogronds toegedien word. Die risiko van kunsmis toediening in die voorseisoen word verminder deur monitering van die seisoen se potensiaal sodat die topbemesting aangepas kan word.
Die bandplasing van kunsmis verminder verliese vergeleke met die breedwerpige uitstrooiing van die produk. Die werktuig het as standaard di eRT K-presisiesatelliet navigasie stelsel.
Die KT-reeks is beskikbaar in verskeie modelle wat bedoel is vir verskillende behoeftes en rywydtes. Boere kan die dubbele tenks van 3 500 liter elk gebruik om een of twee verskillende produkte op dieselfde tyd toe te dien waar nodig.
Danksy die ergonomiese ontwerp het die werktuig ’n klein draaisirkel en dit hanteer maklik.
Dubbele wiele of hidrouliese enkel-uitskopwiele loop in die rye. Met verstelbare spuite word die produk regstreeks agter die kouters op die regte diepte in die grond geplaas.
NAVRAE: E-pos: info@agricad. co.za; tel. 086 100 1204.