Wuhlf-klante kry voordeel uit sterker rand
Lesers van Landbouweekblad en Landbou.com sou dalk opgemerk het dat Wuhlf die afgelope ruk groot besparings op sy werktuie aandui.
So dra die rand-dollar wisselkoers, goudprys of brandstofprys in die hek duik, weet verbruikers hulle moet hul beursies skud om meer vir goedere te betaal. Dit gebeur min dat die verbruiker ’n prysverlaging ervaar as die land se ekonomie weer kop optel.
By Wuhlf is dit egter nie die geval nie. Mnr. Johan Grobler, besturende direkteur, sê die gunstiger rand-dollar-wisselkoers het dit moontlik gemaak om die pryse van werktuie te verlaag.
“Die landbou het meer as genoeg struikelblokke. Terwyl ons as maatskappy nou baat vind by ’n beter wisselkoers, kan ons dié voordeel met ons klante deel.”
Die pryse van bykans al die toerusting en werktuie in Wuhlf se reeks produkte het in die afgelope maand of wat gedaal.
Die rand het vanjaar nie soveel slae gekry soos baie mense verwag het nie. Met ’n koers van R12,43 teenoor die Amerikaanse dollar in Maart vanjaar het politieke opskuddings, ’n tegniese resessie en afgraderings deur krediet agentskappe minder skade aangerig as verwag. Trouens, die rand het laas in Augustus 2015 op min of meer ’n vlak van R12,40 gepresteer.
Di tis goeie nuus vir die vervaardigingsektor wat tegnologie en onderdele moet invoer.
Die afgelope twee jaar het die rand erg onder skoot gekom en in Januarie verlede jaar moes ’n mens R16,71 opdok vir een Amerikaanse dollar.
Vir Johan en sy span by Wuhlf is lojaliteit en eerlike besigheid baie belangrik. “Ons klante is lojaal teenoor ons en daarom is dit soveel te meer belangrik om waar en wanneer ons kan, hulle te laat deel in ons voordeel.”
Die prysaanpassing van drie van Wuhlf se gewildste laaigraaf masjiene getuig van die werklike besparing wat dit vir kopers bring.
Mnr. Coert Steenberg, bestuurder by Wuhlf, sê klante kan uitsien na besparings van etlike tienduisende rande en noem drie voorbeelde hiervan:
■■Die CL958 Olifant met laaigraaf is die grootste werktuig in die Wuhlf-laaigraafreeks en kos gewoonlik R1 138 860. Die nuwe, verlaagde prys is R1020300. Dit is ’n korting van R118 560.
■■’n Besparing van R62 700 geld by die CL935 Renoster met laaigraaf, wat nou slegs R678 300 kos.
■■Die prys van die ML18 Buffel met laaigraaf was R364 800, maar is nou slegs R336 300. Boere bespaar dus R28 500 met hierdie kopie. Hierdie verlaagde pryse is onderhewig aan verandering en sluit aflewering uit.
NAVRAE: Wuhlf se hoofkantoor het geskuif na Haakdoornlaagte 76, Wallmannstal, Pretoria. Webwerf: www.wuhlf.co.za; tel. 012 548 0321; Coert Steenberg, e-pos: sales@wuhlf. co.za; sel 084 247 0804.