Soet soos stroop
Vir hierdie vyf stroopdeur drenkte koeke hoef jy nie versiersel aan te maak of lank te wag nie. Louwarm uit die oond is hulle op hul lekkerste. Nommerpas vir koue winterdae.
375 ml koekmeel 30 ml mielieblom 10 ml bakpoeier 30 ml melk 5 ml vanieljegeursel
Stroop
310 ml suiker 325 ml sterk rooibostee 60 ml brandewyn 5 ml vanieljegeursel Voorverhit die oond tot 190 °C en smeer ’n losboomkoekpan van 24 cm. Verroom die botter en suiker en voeg die eiers een vir een by. Sif die meel, mielieblom en bakpoeier oor en voeg die melk en vanieljegeursel by. Roer tot gemeng en skep in die voorbereide pan. Bak vir 3545 minute tot deurgaar. Maak die stroop terwyl die koek bak. Verhit die suiker en tee saam. Wanneer die suiker opgelos is, verhit tot kookpunt en prut vir 5-7 minute. Verwyder van die hitte en roer die brandewyn en vanieljegeursel by. Prik die koek met ’n sosatiestokkie en giet die stroop oor die vuurwarm koek. Laat in die pan afkoel en sit voor met geklopte room. Lewer 1 middelslagkoek (12-14 porsies).
Sjokolade-dadelkoek
1 pakkie (250 g) dadels, fyn gekap 3 ml koeksoda 125 ml kookwater 350 ml koekmeel
50 ml kakao 150 g botter 180 ml strooisuiker 2 ekstragroot eiers 10 ml vanieljegeursel 100 ml karringmelk 100 g donkersjokolade, fyn gekap
Stroop
45 ml kakao 180 ml water 180 ml strooisuiker Voorverhit die oond tot 170 °C en smeer ’n koekpan van 15 cm x 15 cm en voer uit met bakpapier. Smeer weer. Sit die gekapte dadels in ’n bakkie en sprinkel die koeksoda oor. Giet die kookwater oor en roer liggies. Laat staan vir 10 minute. Sit die res van die bestanddele in ’n voedselverwerker en voeg die dadelmengsel by. Verwerk liggies saam tot net-net glad. Skep in die voorbereide pan en bak vir ongeveer 50 minute tot gaar. Maak die stroop deur die kakao, water en suiker saam te verhit en liggies te prut vir ongeveer 3 minute. Prik die koek met ’n sosatiestokkie en skep die kokende stroop oor die warm koek. Lewer 1 klein koek (8 porsies).
Karringmel kringkoek met koffiestroop
Ek hou daarvan om die koffiestroop met whisky te geur, maar donker rum of brandewyn is