Skaliegas: Boere slaan nog ’n slag

DIE gasmaatskappy Sungu Sungu, een van talle wat vrese oor hidrobreking vir skaliegas die laaste maande opnuut laat opvlam het, het sy aansoek om ’n eksplorasie permit in K wa Zulu Natal eensklaps teruggetrek –’ n dag na sy eksplorasie-aansoek goedgekeur is.

Dít kom glo nadat ontstoke lede van die publiek vining appèl teen omgewings goedkeuring vir die voorgenome eksplorasie aangeteken het.

Me. Bronwyn Howard, ’n plaaslike inwoner en lid van die organisasie Frack Free SA, sê appèl is dadelik aangeteken toe hulle in kennis gestel is van die omgewings goedkeuring. Dié soort goedkeuring word tipies gevolg deur die toestaan van’ n eksplorasiepermit deur die Petroleum agentskap van SA( Pas a ).

Me. Sandy la Marque, uitvoerende hoof van Kwanalu, bevestig dat Sungu Sungu sy permit-aansoek by Pasa teruggetrek het ’n dag nadat die omgewings konsultante EIMS K wan aluin kennis gestel het dat die eksplorasie-aansoek in die omgewing van Dannhauser in die noorde van die provinsie goedgekeur is.

GEEN REDE

Mnr. Thabang Khomo, besturende direkteur van Sungu Sungu, gee in die brief aan Pasa geen rede vir die terugtrekking nie en sê net dis onmiddellik van krag.

Howard sê die voorgenome eksplorasie gebied wa swel relatief klein, maar het’ n vleiland naby die Ntshingwayo-dam inge- sluit, asook die rivier wat in dié dam vloei.

Die dam verskaf water aan onder meer Newcastle en Utrecht. Benewens vrese oor besoedeling, was een van hul grootste bekommernisse dat as die permit-aansoek toegestaan word, die eksplorasie-aansoeke van groter maatskappye, soos Rhino Oil and Gas, wat honderdduisende hektare beslaan, gou kan volg.

Agri SA het boere vroeër gewaarsku dat eksplorasie-aansoeke vir skaliegas vanaf die heel eerste fase beveg moet word, want dit kan maklik outomaties tot hidrobreking lei.

Kwanalu het onlangs inter- dikte in die Noord-Gautengse Hooggeregshof bekom wat Pasa verbied om aansoeke om ’n eksplorasiereg en tegniese permit aan Rhino Oil and Gas Exploration South Africa toe te staan. Die betrokke gebied wat Rhino wil ondersoek, beslaan 1,6 miljoen ha en 15 000 plase in dié provinsie.

AANBEVELING

Agri SA se waarskuwing het gekom te midde van berigte dat Pasa op die punt is om sy eerste aanbevelings oor die toestaan van eksplorasie-permitte vir skaliegas te gee, nadat terugvoer uit openbare raadpleging sessies en wetenskaplike verslae bestudeer is.

’n Reeks petrochemiese maatskappye het reeds om eksplorasieregte in elke provinsie van Suid-Afrika gedoen. Dit sluit groot dele van onder meer die Kalahari, Waterberge, Noordwes, Vrystaat en Karoo in.

Agri SA se raad aan grondeienaars wat deur sulke aansoeke geraak word, is om dadelik Agri SA of hul provinsiale landbou-organisasies om hulp te kontak.

‘Die voorgenome eksplorasie gebied wa swel relatief klein, maar het ‘n vleiland naby die Ntshingwayo-dam ingesluit, asook die rivier wat in dié dam vloei.’