MOTVERBOD WAG STRAKS OOK OP SA SITRUS

DIE Europese Unie (EU) sal waarskynlik valskodlingmot

as’ n nie-tarief versperring vir Suid-Afrikaanse sitrus gebruik indien die land suksesvol is om vrye toegang van sitrus met swartvlek na dié handelsblok te bewerkstellig.

Só het mnr. Pieter Nortjé, voorsitter van die Suider-Afrikaanse Sitruskwekersvereniging, o pA gr i Sondags rivier vallei( SR V) se jaarvergadering op Addo gewaarsku. “Ofskoon daar aangevoer word dat die mot geen gevaar inhou as die uitvoervrugte tot -0,6 grade Celsius (koue sterilisasie) afgekoel word, bestaan daar tans nie sodanige hawe-en verskepings geriewe om aan dié vereiste te voldoen nie.

“Citrus Research International (CRI) het wel bevind dat indien vrugte tot 2 grade Celsius verkoel word, die valskodlingmot ook nie sal oorleef nie. Dit is ’n saak waaroor daar onderhandel kan word indien die kwessie op ’n spits gedryf word,” sê hy.

’n Probleem met verkoeling tot 2 grade Celsius is dat indien die vrugte nie die optimale kleur ontwikkeling het wanneer dit verpak word nie, dit ook nie terwyl dit op die water is ’n beter kleurgehalte sal ontwikkel nie, wat tot nadeel van produsente kan wees.

Oor die verbod op swartvlek in die EU sê Nortjé Suid-Afrika het gronde om onredelike handelspraktyke te bewys, maar hy meen ’n skikking sal bereik word voor die saak by die Wêreldhandelsorganisasie aanhangig gemaak word.

“Solank die huidige Minister van Handel en Nywerheid in sy amp bly, sal ons veilig wees aangesien hy die standpunt van die SASKV in dié opsig onderskryf,” sê Nortjé. —