Afrika-markte
en Absa se jongste maandelikse oorsig van die belangrikste produkpryse in Afrikalande handel oor die vooruitsigte in Suid-Afrika (vee en mielies), Namibië (graan en vee) en Zambië (graan).
SUID-AFRIKA
In onlangse maande het SKAAPEN LAMSVLEISPRYSE ’n opwaartse neiging getoon. Mielies het in dieselfde tyd laer verhandel. Hoë vleispryse saam met laer mieliepryse verhoog die winsgewendheid van die rooivleisbedryf. Sedert Julie vanjaar is die nasionale gemiddelde prys van lamsvleis R75/kg – die hoogste prys in die geskiedenis. Pryse het sedert verlede Desember opwaarts geneig en teen einde Mei baie sterk gestyg. Dit bly nou op ’n hoë vlak.
BEESVLEISPRYSE het in die ses maande tot Junie ook sterk gestyg. Die gemiddelde prys van klas A-beesvleis was teen einde Junie 17,2% hoër as einde Januarie vanjaar. Speenkalfpryse het ook gestyg en het hoë vlakke behaal.
Die speenkalfprys is gemiddeld R34/kg tot R38/kg, met sekere gebiede wat selfs hoër pryse weens ’n goeie vraag en kleiner aanbod behaal.
Talle boere bou hul kuddes op ná die droogte en dit lei tot hoër pryse vir vee. Die uitstekende reënval ná die droogte in die somerreëngebied het veldherstel aangehelp.
MIELIEPRODUKSIE vir 2016’17 is goed. Die sesde skatting deur die Oesskattingskomitee het die totale mielieproduksie op ’n nuwe rekordvlak van 15 969 300 ton beraam. Dit is 2,16% hoër as die vorige rekord van 15 631 050 ton. Suid-Afrika sal na verwagting sowat 2 miljoen ton mielies teen April volgende jaar uitvoer. Die totale uitvoerbare mielie-oes word op 4,1 miljoen ton beraam.
Suid-Afrika het in 1994-’95 altesame 4,7 miljoen ton mie- lies (die meeste tot nog toe) uitgevoer. Toenemende spoorgebruik, saam met die beter geriewe by die Oos-Londense en Durbanse hawens, sal die doeltreffende vervoer van die mielies na uitvoerbestemmings verseker.
NAMIBIË
GRAANPRODUKSIE in Namibië sal na verwagting herstel van die swak oeste verlede jaar wat deur die droogte veroorsaak is. Die verwagte hoër graanproduksie sal weens die verwagte groter mielie-, manna- en koringoeste wees, asook ’n verwagte toename in die sorghumen koringoes. Die goeie oeste was weens goeie reën – ondanks die feit dat die reën laat begin het. Die voorkoms van herfskommandowurm is in verskeie van die noordelike streke aangemeld en het hoofsaaklik die mielie-oes beïnvloed. Die impak daarvan op produksie is egter minimaal.
VEE het ook voordeel getrek uit die hoër reënval aangesien weidingstoestande heelwat teenoor die vorige jaar verbeter het. Die suidelike deel van Namibië was egter nie so gelukkig soos die res van die land nie en boere het gevolglik nie genoeg voer vir hul vee beskikbaar nie.
Die pryse van vee in Namibië het oor die laaste aantal maande verstewig namate die herstel van weiding boere aangemoedig het om hul diere te behou.
Die prys van lamsvleis sal na verwagting min of meer dieselfde bly weens die seisoenale vraag en beperkte voorraad in
Die prys van vee het verstewig namate die herstel van weiding boere aanmoedig om hul kuddes te bou.
Suid-Afrika. Die verskil in die prys van skaapvleis (klas A2 en klas C2) van Namibië en die Noord-Kaap word al hoe duideliker. In normale toestande sou die verskil in pryse die uitvoer van lewende skape na Suid-Afrika laat styg het, maar weens die 1:1-skaapuitvoervoorwaarde word boere steeds verplig om by hul plaaslike uitvoerslagplase te slag, en dus regverdigheid in die mark te skep. Speenkalfpryse styg steeds wens die groter vraag uit Suid-Afrika.
ZAMBIË
Die prys van SOJABONE het kwaai gedaal en dit verhandel nou teen $265 per ton. Sommige belanghebbendes betaal na bewering selfs $230 per ton. Mieliepryse het ook gedaal. MIELIES verhandel nou teen $137 tot $152,3 per ton.
KORING verhandel teen sowat $410 per ton, maar boere het nog nie koopkontrakte onderteken nie.
Zambië het uitvoerooreenkomste van $100 miljoen met Oos-Afrika onderteken. Zambië sal na verwagting 382 640 ton wit mielies, sojabone en ander grane uitvoer. Die produksie van mielies in 2016-’17 vir voedselprodukte was gunstig, met die land wat vanjaar ’n voldoende verhandelbare oorskot aangeteken het. Zambië se oorskot was 1,2 miljoen ton en Malawi s’n 500 000 ton. Zimbabwe herstel tans goed en is in die posisie om selfversorgend ten opsigte van sekere mielieprodukte te wees.
Die voedselreserwe-agentskap van Zambië het die vloerprys van mielies vasgestel. Die agentskap wil ’n sak mielies van 50 kg teen 60 Zambiese kwatcha (R88,45) koop. Dit beteken dat ’n ton mielies ZK1 200 (R1 769,12) sal kos.
Die Zambiese boere-unie is ontevrede met die aangekondigde prys. Volgens die unie sal dit nie tot voordeel van boere wees nie. Die unie het daarop gewys dat teen ’n beraamde gelykspeelprys van ZK75 (R110,57) vir ’n sak van 50 kg sal die agentskap se markprys van ZK60 ’n boer met ’n tekort van ZK15 per sak laat.
Volgens die unie sal die prys boere nie aanmoedig om in die komende seisoen mielies te plant nie.
VRYWARING: Hoewel alles moontlik gedoen is om die akkuraatheid van die inligting te verseker, aanvaar Absa geen verantwoordelikheid vir optrede of verliese wat kan spruit uit die gebruik van hierdie inligting nie.