MONITOR KOEIE SE REPRODUKSIE
Die jongste weergawe van die SCR Heatime HR-stelsel vir die monitor van koeigesondheid en reproduksie op melkplase is nou in Suid-Afrika beskikbaar.
Met die SCR Heatime-stelsel kan ’n boer aktiwiteite en herkouing monitor, wat hom in staat stel om die reproduktiewe, gesondheids-, voedings- en welstandstatus van koeie vinnig en akkuraat te evalueer. Dit kan produktiwiteit verhoog, koste verlaag en beter beheer oor bedrywighede bewerkstellig. Die stelsel bied vyf nuwe toepassings: ’n Hitte-indeks. Dit maak beter telingbesluite moontlik, gegrond op aktiwiteit, die herkou-kurwe, hitteduur en die tyd van die vorige siklus af. Dragtigheidswaarskynlikheid. Bereken hiermee die waarskynlikheid van dragtigheid en die moontlikheid van ’n misgeboorte vir alle koeie ná kunsmatige inseminasie. Intydse groepsroetine. Intydse inligting wys ongewone aktiwiteit of herkouing op groeps- of kuddevlak uit, wat kan dui op die verspreiding van ’n siekte, groepspaniek of stres. Noodwaarskuwing voor geboorte. Dit verskaf inligting oor koeie wat ongewone stres met geboorte ervaar. Noodwaarskuwing ná geboorte. Dit verminder die impak van ’n siekte by kalwers met vroeë waarskuwings van ’n probleem ná geboorte. Groep-konsekwentheid: Monitor en ontleed langtermyn-herkouerneigings en wys enige onreëlmatighede op groepsvlak uit, soos voedingsveranderinge, rantsoenaanpassing en infiltrasie van vrot voer. Heatime kan saam met SCR se HR-LDhalsband gebruik word, maar ’n nuwe HR-LDn-halsband is ook beskikbaar.
Dit het onder meer ’n nuwe sensor vir beter prestasie, verbeterde sagteware en ’n nuwe NFC-mikroskyfie vir toekomstige bestuurstoepassings.
Prys: Prys op aanvraag.