Gebruik produkte uit seewier reg
Seewierprodukte verbeter opbrengste. Ken die inhoud en verbeter die resultaat.
Studies het getoon nie alle seewier en seewierprodukte is dieselfde nie. Seewier wat anders verwerk word, kan lei tot eindprodukte met biologiese en fisiologiese verskille.
Seewierekstrakte word té algemeen deur vervaardigers en gebruikers saam gegroepeer sonder om die geografiese oorsprong, die seewiersoort en die verwerkingsproses in ag te neem. Gevolglik is alle seewierprodukte nie identies of ewe doeltreffend nie en dit kan nie dieselfde toegedien word nie.
Navorsers van die Universiteit Stellenbosch het die verskille tussen Kelpak® en soortgelyke produkte ondersoek. Die navorsing is op die internet te lees by http://link.springer.com/ article/ 10.1007/s10811-0150644-z of gebruik die QRkode. Nuwe, wetenskaplike bewyse is gevind met beter verduidelikings hoe Kelpak® funksioneer in landboutoedienings. Die tradisionele verduideliking was dat seewierprodukte natuurlike planthormone, soos ouksiene en sitokiniene, bevat, wat vir sommige waarneembare plantreaksies verantwoordelik is. Dit verduidelik egter nie ten volle die biochemiese werking en suksesse van Kelpak® nie.
’n Mengsel aktiewe stimulante is in Kelpak® geïdentifiseer wat – op hul eie of in sinergie – suksesvol werk. Die kombinasie van ouksiene, sitokiniene, brassinosteroïde en poliamiene bevorder byvoorbeeld die ontwikkeling van stuifmeel en sterker groei van stuifmeelbuise wanneer Kelpak® voor of tydens blom toegedien word. Verder word simptome van stres verminder en saadontkieming verbeter.
Met 37 jaar se navorsing en konsekwente resultate by die meeste gewasse wêreldwyd is die oorspronklike SuidAfrikaanse seewierproduk Kelpak® ’n wêreldleier. Kelp Produkte Internasionaal kan jou help om Kelpak® korrek aan te wend in enige spuitprogram.