R52 miljoen aan boere!

Syngenta se plan vir gewasbeskerming help boere nie net om ’n hoër opbrengs te lewer nie, maar ook om risiko’s te verminder.

Syngenta gaan vanjaar ’n rekordbedrag van R52 miljoen uitbetaal aan mielieboere wat daarvoor in aanmerking kom. Met die SmartFarmstrategie wil Syngenta boere help om hul winsgewendheid te optimaliseer en hul onderneming in die lig van klimaatsverandering en ekonomiese wisselvalligheid te beskerm.

AGRISAFE

AgriSafe, ’n insetkoste-beskermingsplan, beperk die onsekerheid wat wisselkoersskommelings, inflasie en wisselvallige kommoditeitspryse veroorsaak. AgriSafe beskerm die waarde van boere se Syngenta-produkaankope (in tonnemaat met ’n vasgestelde termynprys).

“Ons aansienlike uitbetaling vir dié seisoen beklemtoon ons verbintenis om produsente te help om hulself te verskans teen die onbeheerbare en die onvoorsiene,” sê me. Linda van der Merwe, hoof van kliëntebemarking by Syngenta Suid-Afrika.

“AgriSafe se geen-koste-geenrisiko-strategie is ’n hoeksteen van ons SmartFarm-strategie. Ons wil ’n ingesteldheid van slim keuses en slim denkwyses in die Suid-Afrikaanse landbou vestig.”

HOE WERK DIT?

AgriSafe verskans die waarde van die boer se Syngenta-rekening, uitgedruk in tonnemaat, op Safex (die Suid-Afrikaanse termynbeurs) sonder enige koste of risiko vir die boer.

’n Boer moet aan die begin van die seisoen aandui of hy ’n Syngenta- oesbeskermingsoplossing gaan koop. Syngenta verkry die dekking op die Safex-termynbeurs teen geen koste of risiko vir die boer nie. As die vasgestelde AgriSafe-prys minder as die Safex-leweringsprys is, word die verskil aan die boer betaal.

Vanjaar se uitbetaling is die hoogste sedert die bekendstelling van AgriSafe in 2012. Die maatskappy is trots daarop dat hy meer opkomende boere ondersteun wat hul produkte by Syngenta aangekoop het. Nie net het die Syngenta-program hulle gehelp om ’n beter opbrengs te lewer nie, maar ook om hul risiko verminder.

“Ons wens ons mielieprodusente sterkte toe tydens strooptyd en bedank hulle dat hulle Syngenta se slimboerdery-benadering benut. Ons vertrou dit is tot hul voordeel in die huidige ekonomiese klimaat,” sê mnr. Antonie Delport, besturende direkteur van Syngenta Suid-Afrika.