’n Produk vir elke plaas
Atlantic Fertilisers bied ’n produk wat die grond balanseer, mikrobe-aktiwiteit stimuleer en plantgroei optimaliseer. Dit verseker volhoubaarheid op lang termyn en is groei wat boere as’t ware kan meet.
Atlantic Fertilisers se reeks bemesting en grondversorgers is op jare se navorsing, veldproewe en werk saam met kommersiële boere gegrond. Dié produkte lewer werklike resultate en is beskikbaar vir van die groot kommersiële boer tot die tuinier.
Die maatskappy is verbind tot die ontwikkeling van produkte wat die boere sal help om op ’n meer omgewingsvriendelike manier gewasse van hoë gehalte met hoë voedingswaarde te verbou . . . én ’n hoër opbrengs te behaal.
Die maatskappy is toegespits op die gesondheid en voedingsrykheid van grond en die balans van landbou-ekostelsels. Die oogmerk is gesonde en volhoubare produksie op lang termyn.
Atlantic Fertilisers bereik dié doelwitte deur wyer oor sy kliënte se behoeftes te dink en waarde toe te voeg.
KLIËNTEDIENS
Dié vars benadering van sake doen, beteken die boer kry nie net die beste produkte nie, maar ook hulp van toegewyde en ervare raadgewers. Sodoende het die kliënt toegang tot ’n unieke en volledige dienspakket. Atlantic Fertilisers se konsultante neem grondmonsters op die plaas. Die posisie van die grondmonsters word met GPS vasgelê vir toekomstige verwysing. Geakkrediteerde laboratoriums ontleed die monsters. Kundiges by Atlantic Fertilisers evalueer die resultate. Hulle bring die klimaatstoestande van die boer se spesifieke omgewing en sy vorige boerdery- en bemestingpraktyke in berekening om te bepaal watter produkpakket vir die boerdery geskik sal wees. Atlantic Fertilisers is altyd gereed met raad, terugvoering en opvolgbesoeke. Dié etos onderskei Atlantic Fertilisers van ander maatskappye. Hierdie verbeterde model is daarop toegespits om die boer te bedien, en nie net om iets aan hom te verkoop nie.
Atlantic Fertilisers is 100% in Suid-Afrikaanse besit en ondersteun biologiese en volhoubare boerderybedrywighede.
Die maatskappy nooi boere om die pad saam met hom te stap.
Kliënte sal ervaar hoe Atlantic Fertilisers die ekstra myl aflê om boere by te staan, om hul behoeftes met die maatskappy se denkrigting te versoen, en toekomstige ontwikkeling in ag te neem.
Atlantic Fertilisers bied professionele en persoonlike oplossings ten opsigte van grondvrugbaarheid en plantvoeding aan die boer. Dít is groei wat die boer kan meet.
NAVRAE: Pieter Beyers, tegniese en bemarkingsbestuurder, sel 082 843 4531, e-pos: info@atlanticfertilisers.co.za