Ontleed water en maak wins
Sekere dele in Suid-Afrika gaan steeds onder ’n droogte gebuk en dit stel buitengewone eise aan boere se waterbestuur. MBFi bied kundige raad oor hoe om water doeltreffender te bestuur.
Weens die droogte het onvoldoende en besoedelde water ’n nadelige uitwerking op verskeie boerderye. Gewasbespuiting is gevolglik belangrik vir die beskerming van gewasse. Dit kan ’n regstreekse invloed op winsgewendheid hê.
Watergehalte speel ’n belangrike rol in bespuiting. Tenkmengsels raak ook duurder en ingewikkelder. ’n Groot hoeveelheid water as ’n draer is nodig om al die verskillende landbouchemikalieë toe te dien.
Opgeloste vastestowwe en deeltjies wat in suspensie is (’n verspreiding van fyn vaste of vloeibare deeltjies in ’n vloeistof), veroorsaak ’n afname in die prestasie van die aktiewe bestanddeel. (Die deeltjies word ondersteun deur dryfvermoë.)
Kalsium en magnesium is die algemeenste deaktiverende katione in ’n plaas se waterbronne. Nog ’n belangrike faktor rakende die stabiliteit van die mengsel is die water se pHbalans.
WATERGEHALTE
Water se gehalte kan maklik deur ’n ontleding bepaal word. Begin hierdie proses deur ’n behoorlike watermonster te neem van die bronne wat in die bespuiting gebruik gaan word.
Gebruik ’n 500 mlbottel wat voorheen ook water bevat het. Spoel dit uit, vul dit met water van die bron en verseël dit deeglik. Merk die bottel met die plaas se naam en ligging, die GPSkoördinate van die waterbron en die datum waarop die monster geneem is. Stuur dit dan na die laboratorium.
In die laboratorium sal ’n gekwalifiseerde tegnikus, met behulp van ’n gestandaardiseerde protokol, die pHbalans en hardheid van die water bepaal.
ONTLEDING
As die hardheid van die water 150360 mg/liter met pHwaardes van 7,59 is, is daar beslis probleme wat opgelos moet word.
’n Persentasie van die aktiewe bestanddele van onkruiddoders, swamdoders en insekdoders word deur kalsium en magnesiumkatione gedeaktiveer. Alkaliese hidrolise wat onder hoë pHtoestande plaasvind, deaktiveer produkte.
OPLOSSINGS
Max 357 is ’n sterk katioonbinder met ’n buffer in die formulering. ’n Waterhardheid van 250 mg/liter (gemiddelde hardheid) sal met slegs 30 ml MAX 357 per 100 liter water reggestel word.
Die dosis verminder die pH tot ’n veilige, effense suur vlak. Max 357 bied dus oplossings vir sowel die pHbalans as die hardheid.
Selfs met ’n waterontleding wat die korrekte dosis van die produk bepaal, sal die gebruik van 2540 ml MAX 357 per 100 liter water veilig en kostedoeltreffend wees.
Probleme met watergehalte moet volledig uit die weg geruim word – nie net om die doeltreffendheid van die bespuiting te verseker nie, maar ook om opbrengs en winsgewendheid te verhoog.
NAVRAE: Vir watergehalteontledings, raadpleeg MBFi se webwerf of jou plaaslike MBFi-agent om bottels en besonderhede vir die ontleding aan te vra. Webwerf: www.mbfi.co.za