VERWYDER AANPAKSELS MET ULTRASONIESE KLANK
Aanpaksels in watertoevoerpype kan nou maklik met ’n apparaat verwyder word wat ultrasoniese klankfrekwensies gebruik.
Mnr. Piet Geustyn, direkteur van Parac Agri, die eksklusiewe agente in Suid-Afrika vir Harsonic in Stellenbosch, sê biofilm (aanpaksels) kom op enige plek voor waar water opgaar en is ’n teelaarde vir bakteriëe wat daarin groei en vermenigvuldig. Die aanpaksels kan selfs toevoerpype verstop.
Bakterieë in biofilm bied hoër weerstand teen skoonmaak- en ontsmettingsmiddels.
Harsonic is ’n permanente, chemikalievrye oplossing vir die verwydering van aanpaksels in die landbousektor. Die gepatenteerde produk (Belgiese patentenommer 1020192 en Euro-PCT-nommer 2707277) gebruik ultrasoniese klankfrekwensies om bestaande biofilm en kalkneerslag (kalsiumkarbonaat) te vernietig. Dit help ook toekomstige neerslae verhoed, wat die groei van mikro-organismes bekamp.
Saam met die Harsonic-produk breek ultrasoniese klank die biofilm af en verwyder die substrata waarin bakterieë groei. So word die ensieme en proteïenkettings vernietig, wat dan uit die watersisteem gespoel word.
In teenstelling met chemiese behandeling, word geen nuwe biofilm gevorm nie, sê Piet. Ultrasoniese klank veroorsaak ook geen verwering van pype nie en daar is geen smaak of reuk aan verbonde nie.
Die Harsonic-produk is klein en word maklik geïnstalleer. Geen onderhoud is nodig vir die leeftyd van die produk nie.
Harsonic het ’n EMC-sertifikaat, wat beteken dit is veilig vir gebruik naby ander elektroniese produkte. Prys: Die koste wissel na gelang van die stelsel waarbinne dit geïnstalleer word, maar tipies sal ’n hok vir 30 000 kuikens ’n eenmalige bedrag van ongeveer R20 000 en maandeliks R1 500 kos, sê Piet. NAVRAE: Mnr. Piet Geustyn, e-pos: piet@paracagri.com, sel 082 807 1223; of Matt Basson, matt@parac-agri.com; sel 083 717 8044.