’n Skou vir die hele gesin
Die eerste jaarlikse Mpumalanga-skou word eersdaags van 31 Augustus tot 3 September by die Mbombela-stadion in Nelspruit gehou.
Die Mpumalanga-skou gaan die landbou-, bosbou-, wild- en toerismebedryf ten toon stel. Dit sal werksessies en besprekings insluit wat daarop gemik is om gesprekvoering in die landboubedryf te verbeter, veral tussen die Regering en boere.
Me. Lindi Botha, bemarkingsbestuurder van die Mpumalanga skou, sê die skou is die ideale platform om bedryf s potensiaal te demonstreer.
“Ons provinsie het so baie om te bied, met ’n oorvloed geleenthede vir groei. Deur die Mpumalanga-skou bied ons ’n geleentheid om betrokke te raak by tegniese en besigheid s net werking. Hierdie uitruil van kennis is noodsaaklik om volhoubare bedryf s vennootskap pete bou en beleggings te lok.”
INTERAKTIEWE UITSTALLINGS
Die hart van die skou bestaan uit interaktiewe uitstallings wat op die grootste en belangrikste bedrywe in Mpumalanga toegespits is.
“Baie min mense in Mpumalanga is nie op die een of ander manier verbind aan die landbou-, bosbou-, wild- of toerismebedryf nie. Die geleenthede om binne die provinsie te groei is eindeloos – mits ons die platforms skep wat nodig is om uit te staan, en ons bemagtiging aanhelp,” sê Lindi.
“Dit is die idee agter die ontstaan van die Mpumalanga-skou.”
Mnr. Werner Martin, die projekbestuurder, sê danksy die aard van Mpumalanga se landboubedryf sal dit ’n diverse skou wees, maar ook klem lê op baie bedrywe wat uniek is aan die provinsie.
LANDBOUPLANNE
Sakeontbyte bied finansiële insigte, en paneelbesprekings tussen die Regering en boere is op die oggendprogram.
“Belanghebbendes, soos Eskom, Graan SA, Agri Mpumalanga en Mpumalanga se provinsiale regering, sal by hierdie besprekings betrokke wees. Dit sal vir boere eerstehandse ken- nis bied oor watter planne op ’n hoër vlak beraam word en hoe dit die landboubedryf gaan raak,” sê Lindi.
WÊRELDSTANDAARD
Werner sê die Mbombela-stadion is die ideale plek om ’n skou van hierdie omvang aan te bied omdat dit oorgenoeg spasie en wêreldklas geriewe bied.
“Ons gaan die jongste boerderymasjiene en vee in die stadion se buiteluggedeelte uitstal, terwyl die binnenshuise gedeelte gebruik word vir kuns- en me smaak uitstallings, kaas-en wynproe by die Italiaanse dorpie en meubel uitstallings.
“Werktuie, soos die nuutste aartappelplanter wat binnekort in Suid-Afrika op die mark sal wees, verwerkings toerusting vir makadamianeute, son krag tegnologie en die nuutste saad kultivars sal boere oorgenoeg stof tot nadenke gee.
“Vodacom gaan tegniese ondersteuning en inligting bied oor die internet en bestuurstelsels vir afgeleë plase,” sê Werner.
BUITELEWE
’n Boogskiet toernooi onder leiding van die oud-Springbok rugbyspeler Danie Rossouw ,’ n honde- en troeteldierskou en die Western Mounted Games met meer as 100 perde is hoogtepunte om na uit te sien.
Saans kan besoekers agteroorsit en die vermaak geniet wat deur onder andere Mango Groove, Majozi, Jo Black, Adam Tas, Ricus Nel, Jason Lee, A Touch of Class en Charlize Berg verskaf word.
BOEREMARK
Werksessies oor onderwerpe, soos finansiering, akwakultuur en algemene plaasbestuur, gaan vir opkomende boere aangebied word. Die skou werk ook saam met plaaslike gemeenskappe om hulle voor te berei vir die skou se boeremark deur hulle meer te leer oor bemarking en die aanbieding van hul produkte.
“Gegewe ons provinsie se omvattende en diverse boerderygemeenskap kan ons nie ’n skou aanbied sonder ons lieflike produkte nie. Ons nooi alle boere en landelike kookfundi’s om hul ware te bring na die plaasmark wat op 2 en 3 September gehou gaan word,” sê Werner.