VKBstaanbyboere
Die primêre landbou was lank die hoofrede vir VKB se bestaan, maar nou voeg hy ook waarde toe tot sy produsente se produkte.
Die primêre doel van VKB is om vir boere ’n klimaat te skep waarin hulle op produksie toegespits kan wees én om hulle te ondersteun om suksesvol te produseer.
VKB se dienste sluit in die voorsiening van brandstof, saad, kunsmis, veevoer, verpakkingsmateriaal, veemiddels, versekering en finansiering, die hantering en opberging van graan en die bemarking van produkte.
VKB en NTK hanteer mielies, sojabone, koring, sonneblom en graansorghum. Die 22 silo-komplekse is strategies geleë in VKB en NTK se bedieningsgebied, voldoen aan die vereistes vir voedselveiligheid en is by Safex geregistreer.
VKB het ’n geleentheid om diversifikasie aangegryp deur die oprigting van Free State Oil, ’n oliepers. Dié pers het ’n kapasiteit van 150 000 ton per jaar.
Die meulens by Frankfort in die Vrystaat en by Mokopane en Venda in Limpopo sien veral om na groot- en kleinhandel. Die meulens is strategies geleë om die kostedoeltreffende verspreiding van mieliemeel aan afsetpunte in die onderskeie bedieningsgebiede te verseker.
VKB besit ’n belang van 70% in Kromdraai Best Milling, ’n koringmeule op Frankfort. Die meule het ’n kapasiteit van 12 000 ton per maand. Die bakkery bak ongeveer 1,3 miljoen brode per maand.
Crown Bag lewer meer as 6 miljoen aartappel- en houtskoolsakke per maand.
VKB het ook ’n beherende belang in Farmpack, waar ’n wye reeks bedrukte en onbedrukte kartonhouers vervaardig word.
Die abattoir vir braaihoenders kan 785 000 braaihoenders per week verwerk. Die braaihoenders word verskaf deur kontrakgroeiers wat aandeelhouers van VKB is. VKB se veevoerfariek by Vrede in die Vrystaat verskaf die braaihoenders se voer. Só word ’n groot hoeveelheid plaaslik geproduseerde mielies verbruik.
VKB besit ’n belang van 50% in Nu-Pro Voere en kan gevolglik ’n wye reeks veevoere aan die bedryf beskikbaar stel.