Intelex® maak naam
Die 2017-oesjaar was ’n rekordjaar vir mielies met die grootste oes wat nog in Suid-Afrika aangeteken is. Die Oesskattingskomitee voorspel dat oeste die vorige rekord van 14,5 miljoen ton met 1 miljoen ton gaan oorskry.
Goeie reënval en omgewingsfaktore het ’n groot rol gespeel in Suid-Afrika se rekordmielieoes vanjaar. Die vraag is egter of dié resultate bereik sou word sonder die bekendstelling van nuwe saadgene, kunsmistegnologie, oesbeskerming en ander verbeterings in boerderypraktyke.
Een van BASF se jongste beleggings in mielie-oesbeskerming is die revolusionêre onkruiddoder Intelex®.
Dit is aangedryf deur die nuutste innovasie, Kixor®, wat ’n nuwe wyse van werking bied aan die segment vir vooropkomsonkruiddoders by mielies.
Voordat ’n nuwe produk op die mark kom, moet ’n navorsingen-ontwikkelingsmaatskappy ’n groot klomp tyd en geld belê.
Intelex® is geen uitsondering nie. Die ontwikkeling, toetsing en kommersiële aanwending is op ’n wêreldskaal aangepak. Daarmee saam het BASF Suid-Afrika se tegniese span Intelex® sedert 2008 in verskeie bio-klimatiese en omgewingstoestande getoets om te bewys dit werk sonder probleme.
NOU IN SUID-AFRIKA
In Amerika word die Intelex®ekwivalent sedert 2010 elke jaar op 2,8 miljoen hektaar toegedien. Dit is ook in ander Afrikalande, soos Zimbabwe en Zambië, bekend gestel.
In 2015 is BASF se registrasie van Intelex® uiteindelik deur die Departement van Landbou, Bosbou en Visserye goedgekeur, wat die maatskappy in staat gestel het om die produk aan die Suid-Afrikaanse mark bekend te stel.
Intelex® oorskry talle mielieboere se verwagtinge van wat ’n vooropkomsonkruiddoder kan doen.
Boere wat Intelex® gebruik, sien voordele in ’n vooropkomsonkruiddoder wat nog nie voorheen op die Suid-Afri- kaanse mark gesien is nie. Hulle het hulself reeds verbind en hul Intelex® vir die komende planttyd vir mielies bestel.
Intelex® is ’n kragtige kombinasie van dimetenamied-P en Kixor®. Die dimetenamied-Pkomponent is ’n asetamiedgebaseerde chemikalie en nie uniek aan die Suid-Afrikaanse mark nie. Verskeie ander vooropkomsonkruiddoders met ’n asetamiedbasis word reeds plaaslik gebruik.
Die algemene riglyn wanneer hierdie tipe chemiese onkruiddoder gebruik word, is dat die mielies potensieel skade kan ly in koue en nat toestande.
Die hoofrede daarvoor is die gebrek aan hitte-eenhede, wat veroorsaak dat die saailing stadiger as normaalweg opkom en gevolglik langer aan die asetamied-onkruiddoder blootgestel word.
In stresvolle toestande kan die plant nie die onkruiddoder doeltreffend metaboliseer soos in normale toestande nie.
In normale toestande, en wanneer dit korrek toegedien word, het boere en verskeie landbourolspelers openlik getuig dat BASF se Intelex® die beste vooropkomsonkruiddoder op die mark is.
ONDERSTEUN PRODUK
BASF en talle boere ondersteun Intelex® ten volle as ’n opwindende hulpmiddel vir gewasbeskerming om probleme met onkruide by mielies te bestuur. BASF glo ook sterk daaraan dat boere wat Intelex® in die komende planttyd gaan toedien, weer ’n hoë vlak van doeltreffendheid met die vooropkomsonkruiddoder gaan ervaar.
“Namens BASF wens ek alle boere nog ’n suksesvolle mielieseisoen toe,” sê mnr. Sean Stiles, rygewasbestuurder by BASF Suid-Afrika.
“Ons by BASF sien uit daarna om in die toekoms steeds nuwe innovasies vir gewasbeskerming aan die Suid-Afrikaanse boer te bied.”
Intelex® oorskry talle mielieboere se verwagtinge van wat ’n vooropkomsonkruiddoder kan doen.
Intelex® , reg.nr. L9895, Wet 36 van 1947. Aktiewe bestanddeel: Kixor® 68 g/l, dimetenamied-P 600 g/l. Versigtig. Kixor® — saflufenasiel. Intelex® en Kixor® is geregistreerde handelsmerke van BASF.