Geen verbinding nie? Basta!
Die behoefte aan bekostigbare, betroubare internetverbindings raak ál groter. YahClick van Vox bied ’n satellietdiens regoor SuidAfrika vir tuisgebruikers sowel as klein en groot sakeondernemings.
YahClick van Vox is ’n Ka-band-breëbandsatellietdiens aan die voorpunt van die bedryf. Dit lewer ’n betroubare, hoëspoed-internetverbinding in gebiede met beperkte of geen internettoegang teen koste wat goed vergelyk met huidige dienste.
YahClick is beskikbaar in ’n reeks pakkette vir verskillende omgewings en verbruikers – van basiese internettoegang vir tuisgebruikers tot hoëspoeddiensplanne vir korporatiewe gebruikers.
Die diens bied onbeperkte data-oorplasing en kan vinnig geïnstalleer word. Jy hoef dus nie meer lank vir installasie te wag of met ’n swak sein en kabeldiefstal opgeskeep te sit nie. Stem- en databondels is ook beskikbaar.
HOE WERK DIT?
Internettoegang via satelliet is gegrond op dieselfde tegnologie as satelliettelevisie, naamlik ’n satelliet in ’n wentelbaan wat blitsvinnig met die miniskottel buite jou huis kommunikeer.
Kenmerke en voordele daarvan is: ’n Hoëspoed-internetverbinding op feitlik enige plek in Suid-Afrika. Onafhanklik van tradisionele verbindings, soos ADSL en GSM/3G. Onbeperkte data-oorplasing (nie deel van die maandelikse data-toelae nie). Onbeperkte data-oorplasing tydens gratis tydperke (01:00 – 06:00) vir sekere pakkette. Statiese IP-adresse vir sekere sakepakkette. Vinnige installering. Voeg addisionele data by en pas pakkette aan deur middel van die YahClick-verbruikersone.
NUWE TEGNOLOGIE
YahClick-tegnologie is geskoei op Ka-veelkolstrale, wat dit onderskei van tradisionele satelliettegnologie. Ka-band gebruik “kolstrale” om oor ’n hele vasteland uit te saai. Die beskikbare bandwydte word dus doeltreffender gebruik teen ’n laer koste vir die verbruiker.
Ka-band benodig nie ’n groot skottel buite jou huis of kantoor vir hoëspoed-internet (hoëspoed-aflaai of -oorplasings) in enige rigting nie.
YahClick is rondom Ka-bandtegnologie ontwerp en versnellingsof frekwensie-hergebruiktegnieke verseker hoëspoedwerkverrigting.
YAHCLICK GO
YahClick Go is ’n mobiele satellietpakket wat onmiddellik ’n internetverbinding bied waar ook al jou voertuig geparkeer is. YahClick Go kan maklik op enige nutsvoertuig of sleepwa gemonteer word. Dit bied internettoegang via ’n antenna wat outomaties instel en is ideaal vir: Media-uitsendings; Militêre ontplooiing of vir gebruik deur die Verenigde Nasies en nieregeringsorganisasies; Nood- en rampbestuurseenhede, brand- en reddingsoperasies en sekerheidsmaatskappye; Staatsdepartemente en die Suid-Afrikaanse Polisiediens; Mynbou en opsporing; Nieregeringsorganisasies wat verbindings in afgeleë plekke benodig; Geleentheidsbeplanners en mobiele bemarkingsvoertuie en mobiele kantore; Finansiële instellings en kitsbanke; en Mobiele klaskamers.
BONDELS
Die YahClick-kommunikasiebondel is ideaal vir jou hoëspoedverbinding. Dit sluit in:
Vox Supafone;
R50 se gratis beltyd elke maand; Billion Wi-Fi-roeteerder; ’n Exchange Lite-e-posbus (e-posadres); Faxster Lite (faks na e-posdiens); en Domeinregistrasie (.co.za) vir die eerste jaar).
TOEGANGSBELEID
Tuis- en sakepakkette het ’n vooraf bepaalde maandelikse beperking op die aflaai van data. Intekenare kan tot 10% van hierdie maandelikse toelae op enige gegewe tyd in ’n tydperk van 72 uur gebruik.
Wanneer ’n intekenaar die 10%-aflaai-data in enige tydperk van 72 uur opgebruik het, verminder die maksimum spoed en kan intekenare “aanvul” deur bewyse te koop.
’n Intydse gebruiksmeter is aan alle intekenare beskikbaar om verbruik te monitor. Dit is nie van toepassing op oorplasingspoed nie omdat die oplaai van data nie onder algemene verbruik tel nie.