Landboumaatskappye
Landboumaatskappye se bydrae tot die welstand en vooruitgang van die landbou is onmiskenbaar. Maatskappye soos Profert maak deel uit van die arsenaal van kundige diensen produkverskaffers wat die landbou ondersteun.
Profert Fertilizer spesialiseer in korrel- en vloeibare kunsmis, waaronder die reeks Black™ en ’n reeks vloeibare kunsmis genaamd Amplify. Profert het vermengingsaanlegte in al die provinsies en lewer 800-1 200 ton kunsmis per dag.
Die landboupraktyke van die verlede het hoofsaaklik op opbrengs klem gelê. Die voedingswaarde was van minder belang. Die klem was dus eerder op hoeveelheid as gehalte en produktiwiteit is uitgedruk in “ton per hektaar per jaar”. Profert Fertilizer het dié mantra vir homself en sy klante herskryf tot ’n produktiwiteitsmeting van “voedingswaarde van kos per ton per hektaar per seisoen”.
Plantvoedingkundiges volg daarom deesdae ’n meer holistiese benadering tot plantvoeding en grondbiologie.
Navorsing toon dat mikroorganismes in die grond die doeltreffendheid van toegediende kunsmis verhoog.
’n Dekade gelede was die beperkendste faktor in plantvoeding waarskynlik fosfaat of stikstof, maar vandag is dit mikrobiese aktiwiteit in die grond. Omgewingsfaktore, soos uitloging en verdamping, kan kunsmisdoeltreffendheid aansienlik beïnvloed en die beskikbaarheid aan die plant verlaag met tot 40-60% vir stikstof, 4050% vir kalium en 30% vir fosfor. Deur die produk met ’n bedekker, soos Launch™, teen hierdie faktore te beskerm, bly die kunsmis vir langer beskikbaar.
BLACK-REEKS
Die reeks Black™-produkte bestaan hoofsaaklik uit ureum en diammoniumfosfaat (DAP) wat met Launch™ bedek is. Profert toets tans Black™-ureum in beesvoer, want dit is moontlik om groter hoeveelhede Black™ureum as proteïenbron by dierevoeraanvullings te voeg.
Proefnemings het bewys die volgehoue vrystelling van plantbeskikbare voedingstowwe het die doeltreffendheid van die kunsmis verhoog. Die unieke bio-organiese bedekking het ook die ongunstige uitwerkings help beperk, soos die soutindeks en die aansuurproses wat met gewone chemiese kunsmis verbind word, deur die mikrobiese aktiwiteit in die grond te verhoog.
Launch™ word in Amerika
vervaardig. Dit is oorspronklik ontwerp en ontwikkel vir biogenesing van besoedelde grond wat tipies deur Hazmat-opruimingspanne gebruik word. Die middel is later met groot sukses in
die landboubedryf getoets.
Bedekte Black™-produkte beïnvloed die grondomgewing aktief en regstreeks deur: Noodsaaklike grondmikroorganismes te verskaf;
Die aansuurproses van kunsmis te onderdruk; en Die grond te voorsien van die noodsaaklike voedingstowwe wat plante en grondmikroorganismes nodig het.
Die beskikbaarheid van Black™-produkte word gewaarborg.