Monosem-presisie het min kompetisie
Weens die hoë koste van insette moet ’n saadplanter presisie kan waarborg. Monosem het al die eienskappe om hierdie presisie te verseker.
Elke boer wat ’n Monosemplanter besit of ’n buurman het wat met ’n Monosemplanter plant, is dit eens dat geen planter Monosempresisie kan klop nie.
“Met die huidige tegnologie tot ons beskikking verwag ons dat ’n planter met oneweredige saad teen 99% presisiesaadverenkeling kan verseker,” meen mnr. Arend Langer, hoof van Monotec, verspreider van Monosemplanters in SuidAfrika.
“Daarbenewens moet presiese saadplasing, met elke pit op sy plek in die plantry in die grond, verseker wees. Die planter se verstelbaarheid moet akkuraat wees sonder leerenprobeerverstellings of raaiwerk waarvan die resultaat eers later sigbaar word. Jou plantmeganisme moet ook lank hou sonder oormatige slytasie.”
Monosem se plantmeganisme voldoen daaraan.
“Omdat Monosem se saadplaat nie gleuwe of holtes het nie, is dit nie gevoelig vir saadgrootte en vorm nie. Die vakuum kan meer as een saadjie op ’n enkele gaatjie opsuig.
“Aan die bokant van die draaiende saadplaat is die kammetjie wat die saad afkrap. Dit verseker dat een saadjie per gaatjie op die plantplaat oorbly. Verstel die afkrapkammetjie vir verskillende saadtipes om steeds doeltreffend te wees.
“Die boer kan deur die venster in die saadpot tydens die plantproses seker maak geen dubbele pitte word geplant of dat plantposisies oorgeslaan word nie.
“Dit werk beter as konvensionele uitmeters wat met ’n holte of ’n gleuf by elke gat op die saadplaat probeer verseker dat slegs enkelpitte opgesuig word, en wat geen afkrapkammetjie het nie. Dié uitmeters werk slegs bevredigend as perfekte en eweredige sade geplant word.”
Die oneweredige plasing van saad is dikwels weens die vryval van saad tussen die saadplaat en die grond.
“Monosem se plat saadplate stel die meganisme in staat om die pitte reguit grond toe te laat val sodra hulle die saadpot verlaat.
“By konvensionele uitmeters is die reguit val onmoontlik, want elke pit moet eers sywaarts uit die holte of gleuf gly. Die val
punt op Monosem-uitmeters is by die vyfuurmerk, terwyl dit by konvensionele planters reeds op die drieuurmerk is. Die saad by konvensionele planters moet dus tot 9 cm verder vryval as by die Monosem-uitmeter.
“Net so belangrik is die afveër aan die onderkant van die uitmeter. Dit verseker dat saad presies in die middel van die saadbuis afval en nie teen die kante van die saadbuis skaaf en onakkurate saadspasiëring in die plantry veroorsaak nie,” sê Arend.
DUURSAAM
Monosem se plantmeganisme is duursaam. Die saadpot en deksel is van aluminium. Die plaat met die roervinne (agitator), afkrapkammetjie en afveër is van geelkoper.
“Dié onderdele word tot op ’n mikromillimeter gemasjineer en vir ’n leeftyd gekalibreer. Die enigste slytasie gaan op die saadplaat van 1,5 mm vlekvrye staal en die seëlring daaragter wees. Die saadplate kos gemiddeld R310 en die seëlring R205.
“’n Monosem-planter verseker presisie sonder moeite. Dié planter sal jare lank goeie diens lewer,” sê Arend.