Goeie,sakpas oplossings
Afriq Water se spesialiteit is die maatskappy se vernuwende benadering om aan elke kliënt ’n unieke, pasgemaakte oplossing te bied.
Elke boerdery het sy eie waterbehoeftes met ’n magdom veranderlikes wat in ag geneem moet word. Asof dit nie genoeg is nie, sukkel Suid-Afrikaners elke paar jaar met lang, uitgerekte droogtes.
Daar is nie ’n standaardpakket met besproeiing nie. Dit is daarom nodig om die hulp van kundiges in te roep. Dit is waarmee Afriq Water kan help.
Die maatskappy het ’n verskeidenheid produkte wat met sorg uitgesoek is in verskeie dele van die wêreld, maar wat spesifiek Suid-Afrikaanse behoeftes in ag geneem.
GOUKOPPELPYPE
Goukoppelpype is nie ’n nuwe konsep in Suid-Afrika nie, maar die goukoppelproduk van plastiek wat deur Afriq Water aangebied word, is nuut, vernuwend en kostedoeltreffend. Dit kan met enige bestaande goukoppelstelsel geïntegreer word.
Daar is met die Yuzuak-be- sproeiingsmaatskappy in Turkye onderhandel oor ’n reeks klap-, turbine- en straalspuite, asook turbine-aangedrewe kruipspuite. Dit is spesifiek gemik op groente, lusern of voergewasse.
Afriq Water se druplyne is van hoogstaande gehalte, maar teen ’n prys wat jou sak pas.
’n Volledige reeks pompe en elektriese motors van verskeie vervaardigers word binne ure versend om die boer in nood by te staan.
KOOP AANLYN
Die dae toe boere tyd gehad het om vir elke tang of snoeiskêr in die bakkie te spring en kooperasie toe te jaag, is iets van die verlede.
Aanlyn-aankope is nie net vir tieners nie, maar ook vir besige boere met ongereelde ure. Afriq Water het ’n netwerk verskaffers en handelaars geskep. Elke boer kan gaan soek vir produkte en van die plaas af ’n bestelling plaas wat by die plaashuis afgelewer word.