Drie beesrasse vir perfekte speenkalfproduksie
Vir hierdie boere van Tosca is ’n interessante kruising tussen Simbratipe koeie, Simmentalers en Brahmane die wenresep vir die beste speenkalwers.
Die Vryburg-gebied word met reg beskou as die Texas van Suid-Afrika. Dit is beeswêreld waar natuurlike soetveldweidings met tipiese bosveld genoeg weiding verskaf. Die gebied word gekenmerk deur die groot aantal uiteenlopende beesrasse waarmee geboer word.
Dit is daar, naby Tosca in Noordwes, waar mnr. Wimpie van Rensburg en sy seun, Wil lem ,’ n speenkalf boerderybedryf wat deur’ n Brahman-e n’ n Simmentaler stoetery ondersteun word. Die stoeterye verskaf rasegte bulle vir gebruik by Simbrakoeie waarna die speenkalwers aan voerkrale bemark word.
Wimpie sê hoewel die boerdery tans hoofsaaklik op speenkalf produksie toegespits is, is die uiteindelike doel om na ’n koei produksiestelsel oor te skakel. “Ons wil dus die bulkalwers as speenkalwers bemark om koste te dek en dan
BESTE KRUISTELING
Om geharde, groeikragtige speenkalwers te verkry, gebruik Willem rasegte Brahmanbulle of Simmentalerbulle uit sy stoetery by Simbrakoeie.
“Na gelang van hoe sterk die nageslag daarna die Brahmanfenotipe vertoon, sal die vers dan met ’n rasegte Simmentaler bul of, a smeer Simmentaler kenmerke vertoon word, met’ n rasegte Brahmanbul gekruis word,” sê Willem.
“Die resultaat is geharde, aangepaste diere wat ons vir die speenkalfmark grootmaak. Die stoeterye se rasegte kalwers word op hul beurt uitsluitlik gebruik as vervangingsverse en as nuwe bulle v irons speenkalf produksie .”
Wimpie sê Simmentalers word gebruik omdat dié Europese beesras
as dubbeldoelbees die gehardheid en swaarder kalf van die Brahman aanvul met meer melk en sterk groei.
“Hoewel dit op die ou einde ons doel gaan wees om slegs ons eie bulle te gebruik, koop ons in hierdie stadium geregistreerde Brahmanbulle vir ons stoetery in,” sê Wimpie.
“Ons gebruik die beste teelmateriaal wat ons kan kry; daarom koop ek my bulle by mnr. Sydney Hunt van Hunt Brahmane op Warrenton.”
GEHARDE BEESTE
Die omgewing van Tosca is bekend vir sy warm, droë klimaat met siklusse waar dit sommige jare goed reën en ander jare wanneer droogte hoogty vier.
“Die siklusse wissel mekaar sowat elke ses jaar af. Die winters is redelik koud met temperature wat al by -5 °C gedraai het, terwyl die somers al temperature van meer as 40 °C grade opduidelike gelewer het,” sê Wimpie.
“Ons moet dus boer met geharde, vrugbare diere wat hul kalwers ordentlik kan grootmaak. Kruisteling gee jou ’n voordeel omdat dit die beste eienskappe van elke beesras saamvoeg.”
Die boerdery plant nie weiding aan nie. Diere is dus op natuurlike weiding aangewese. Hulle kry wel ’n fosfaatlek in die somer en ’n proteïenlek in die winter.
Die bewese voordele van kruisteling, waar inheemse gehardheid en vrugbaarheid met groeikrag en genoeg melklewering gekombineer word, stel die boerdery se beeste in staat om in hierdie tipe toestande te gedy.
KRUISSPEENKALWERS GESOG BY VOERKRALE
Die boerdery bemark sy speenkalwers op sowat 300 kg teen heersende pryse en Wimpie meen daar is voordele ten opsigte van groeikragtigheid in die kalwers te bespeur, wat hulle uiters gesog by voerkrale maak.
Mnr. Louis Botha, bestuurder van die Murasie-boerdery by Delareyville, wat onlangs ’n groep speenkalwers by Wimpie en Willem gekoop het, sê hy is beïndruk met die gewig wat die kalwers die afgelope maand aangesit het.
“Ons vind die Simbra-tipe kalwers is besonder gehard in voerkraal-toestande en hulle sit besonder vinnig gewig aan, grootliks weens ’n baie gunstige voeromsetting.”
Die Murasie-boerdery voer sy kalwers ses maande lank. Uitslagpersentasies van meer as 60 word geredelik met die Simbra-tipe speenkalwers behaal.
“Ons stel beslis belang in hierdie tipe kalwers, veral ook omdat hulle so vinnig groei. Ons het al gemiddelde daaglikse gewigstoenames van rondom 2 kg/dag met soortgelyke kalwers aangeteken,” sê Louis.